Tesla мобил иловасида катта янгиланиш: кўплаб янги функциялар ва янгиланган интерфейс

Tesla шу номдаги мобил илованинг янгиланган версиясини чиқарди. Tesla 4.0 версиясининг интерфейси сезиларли даражада ўзгарди ва унга кўплаб янги функциялар қўшилди.

ЎҚИНГ: Tesla Model X ҳақиқий танк билан куч синашди! («Жонли» видео)

Tesla мобил иловаси Tesla автомобилларининг баъзи функцияларини тўғридан-тўғри смартфондан бошқаришга имкон беради, масалан, қулфни очиш, иқлим назорати. Ушбу янгиланиш илова тарихидаги энг катта янгиланиш ҳисобланади.

Илованинг интерфейси бир нечта Tesla маҳсулотларига эга бўлганлар учун қулайлаштирилди. Асосий янгиликлар қаторида, ишлаб чиқувчилар Tesla автомобиллари ва энергетика маҳсулотларининг янгиланган бош саҳифаси, машинани “чақириш“ функцияси, смартфонни калит сифатида ишлатишнинг такомиллашгани, машинани очиш пайтида “тезкор“ буйруқларни юбориш каби функцияларни кўрсатмоқдалар.

Янгиланган Tesla иловасини Android ва iOS операцион тизимлари учун Google Play ҳамда App Store платформаларидан кўчириб олиш мумкин.

ЎҚИНГ: Tesla директори Илон Маск бутун 2020 йил давомида олган маош кулгили – ноль доллар!