Canalys: 2021 йил иккинчи чорагида смарт тақиладиган қурилмаларнинг етказиб бериш ҳажми ўсди

Canalys: 2021 йил иккинчи чорагида смарт тақиладиган қурилмаларнинг етказиб бериш ҳажми ўсди

Смарт тақиладиган қурилмалар савдоси бир неча чоракдан бери ўсиб келмоқда. Бунга асосий сабаб эса смарт-соатларга бўлган талабнинг ошиб бораётганидадир. 2020 йил тўртинчи чорагида смарт band ҳамда смарт-соатлар динамикасида катта ўсиш кузатилган эди.

ЎҚИНГ: Canalys: Ғарбий Европанинг шахсий компьютерлар бозори 2021 йилнинг иккинчи чорагида 3 фоизга ўсди

Умумий етказиб бериш ҳажми 2021 йилнинг иккинчи чорагида ўтган йилга нисбатан 5,6 фоизга ўсди, оддий смарт band'лар сотуви эса 23,8 фоизга камайди. Бу пасайиш тўла-тўкис смарт-соатлар билан қопланди, чунки уларнинг савдоси ўтган йилга нисбатан 37,9 фоизга ўсди ва ҳозирда умумий савдонинг 62 фоизини ташкил қилади.

Қўл соатлар сегментида Apple бозор улишининг 31.1 фоизи билан етакчи бўлиб турибди. Компания бир йил ичида смарт-соатлар савдосида 29.4 фоиз ўсишга эришган. Huawei ва Garmin компаниялари мос равишда 9 фоиз ҳамда 7,6 фоиз билан иккинчи ва учинчи ўринларни эгаллашди.

Бироқ смарт тақиладиган қурилмаларнинг умумий савдоси бўйича Xiaomi етакчилик қилмоқда. Компания савдо улушининг ошиб боришига Mi Band 6 қурилмаси кўплаб давлатларда сотилаётганлиги сабаб бўлган. Хитойлик техногигант 19,6% бозор улуши билан Apple компаниясини ортда қолдириб биринчи ўринни эгаллади. Компания савдоси ўтган йилга нисбатан 2,6 фоиз ўсишни қайд этди. Аппле 19.3 фоиз билан иккинчи бўлса, учинчи ўрин Huawei компаниясига насиб қилган.

ЎҚИНГ: Canalys: Иккинчи чоракда глобал компьютер бозори 13% га ўсди. Қайси компаниялар етакчи бўлди?

Terabayt.uz сайтининг видеолари: Youtube'даги каналимизда!