Кичикроқ тирқиш ва янгича асосий камерага эга Apple iPhone 13 ва 13 mini'лар тақдим қилинди

Кичикроқ тирқиш ва янгича асосий камерага эга Apple iPhone 13 ва 13 mini'лар тақдим қилинди

Кеча Тошкент вақти билан 22:00 да таниш дизайн, бироқ бир қатор муҳим янгиланишларга эга янги iPhone 13 смартфонлари тақдим қилинди.

ЎҚИНГ: Snapdragon 888+ чипига эга vivo X70 Pro+ смартфони тақдим этилди

iPhone 13 ва 13 mini моделларининг умумий шакли унчалик ўзгармаган — ясси четлар ва айланасимон бурчаклар яна бир бор IP68 рейтингига эга метал корпусга олинган. Бу гал iPhone'ларнинг ўша машҳур экран ҳошияси 20% га кичиклаштирилган.

Super Retina XDR панеллар диагонали ўзгаришсиз қолган — iPhone 13 mini'да 5,4 дюйм, iPhone 13'да эса 6,1 дюйм. Панеллар, шунингдек, 28% га ёрқинлашиб, ташқи муҳитдаги ёрқинлик 800 нитга, HDR ёқринлиги эса 1,200 нитга етди.

HDR'га тўхталсак, янги панеллар Dolby Vision, HDR10 ва HLG стандартларини қўллаб-қувватлайди. Экранлар, афсуски, 60Ҳз частотали бўлиб қолди.

iPhone 13 ва iPhone 13 mini'лар бутунлай янгича Apple A15 Bionic чипида ишлайди. Apple'нинг айтишича, А15 исталган жорий смартфондаги SoC'лардан тез ишлайди. Гарчанд бу кучли таъкид бўлса-да, Apple'нинг тарихини инобатга олсак, тўғри бўлиши эҳтимоли юқори.

A15 иккита юқори самарадор ва тўртта қўшимча юқори унумдорликка эга CPU ядроси эга бўлиб, 5 нанометрли ишлаб чиқариш ноди устига қурилган. GPU махсус дизайнга эга. Эътиборлиси шундаки, iPhone 13 ва 13 mini'лардаги график процессори тўрт ядроли бўлса, қолган икки премиум моделда ядролар сони бешта.

Янги A15 платформаси 16 ядроли янгича Neural Engine'га ҳам эга. Бу интернетга уланмаган ҳолда товушни таниш ва тасвирни англаш ва шу каби машинали ўрганишни талаб қилувчи вазифаларни бажаради. Бундан ташқари, корпусга янги ISP, икки карра кўп кеш, янгича видео дисплей контроллери ҳамда видео кодловчи ва декодерларга эга.

«Янги» сўзи ҳаддан ташқари кўп фойдаланилаётганга ўхшаши мумкин, лекин шошилманг — ҳали камера ҳақида гапирмадик. iPhone 13 ва iPhone 13 mini орқа панелда иккита камерага эга; асосий камера 1.7-микрон пиксел ва 26 мм f/1.6 диафрагмали 12МП линзага эга. Бу ўтган йилги iPhone 12 Pro Max'ники билан бир хил камера бўлиб, ҳаракатланувчи сенсорли стабилизацияга ҳам эга.

12МП ультракенг f/2.4 камера ҳам янги сенсорга эга, лекин iPhone 13 Pro моделларидаги каби автофокусга эга эмас.

Олд панелда эса 12МП TrueDepth селфи камераси ўрнатилган. Мазкур камера оммалашиб бораётган Centre Stage функциясига эга.

Ва ниҳоят, iPhone 13 ва 13 mini моделлари ўтган авлод iPhone'лардагидан каттароқ аккумулятор билан жиҳозланган. Apple бу борада аниқ рақамларни айтмаган бўлса-да, янги қурилмалар қуввати ўтган йилги моделларникидан 2,5 ва 1,5 соатгача узоққа етишига ваъда берди.

Катта аккумулятор сабаб смартфонлар вазни ҳам ошган. iPhone 13 174 грамм, mini эса 141 грамм тош босади. Янги қурилмалар iPhone 12'лардан кўра 0,25 мм га қалинроқ ҳамдир. Бошқа ўлчамлар ўзгаришсиз қолган.

iPhone 13 ва 13 mini'ларга жума кундан бошлаб 30 дан ортиқ давлатда, жумладан, Австралия, Канада, Хитой, Германия, Ҳиндистон, Япония, Буюк Британия ва АҚШда олдиндан буюртма бериш мумкин. Қурилмалар мижозларга 24 сентябрдан етказиб берилади.

iPhone 13 ва 13 mini'ларнинг иккиси ҳам 128ГБ базавий, 256ГБ ва 512ГБ хотирага эга. Нархлар мос равишда 799 ва 699 доллардан бошланади.

Смартфонлар жами беш хил рангда мавжуд: юлдуз нури (starlight), ярим тун (midnight), кўк, пушти ва қизил.

ЎҚИНГ: Galaxy A52'нинг техник жиҳатлари ва қадоқ таркиби билан танишамиз

Хабарларни тез ва осон ўқиш учун Андроид иловамизни сақлаб олинг.