Xiaomi ҳамда Redmi флагманлари Android 12 тизимига ўтади

Xiaomi ҳамда Redmi флагманлари Android 12 тизимига ўтади

Android 12 операцион тизими бир неча кун олдин тақдим этилди. Энди янги тизим секин аста смартфонларга жўнатилишни бошлайди. Биричилардан бўлиб уни Pixel смартфонлари қабул қилади.

ЎҚИНГ: Android 12 тақдим этилди

Шу билан бир қаторда, Xiaomi компанияси ўз смартфонларини ушбу тизим билан жиҳозлайди. Компаниянинг Mi 11, Mi 11 Pro ҳамда Mi 11 Ultra флагманлари биринчилардан бўлиб ушбу тизимни қабул қилади. Mi 11 Lite, 11i, Mi 11X қурилмаларига эса ушбу тизим кейинроқ жўнатилади.

Xiaomi смартфонлари билан бир қаторда, Redmi суббрендининг К40 Pro ҳамда K40 Pro+ қурилмалари ҳам биринчи тўлқинда Android 12'ни қабул қилиб олади.

Дастурий таъминот ҳозирда тест режимида фойдаланиб келинмоқда. Шунингдек, MIUI қобиғининг янги версияси қачон тақдим этилиши ҳали номаълум, шунинг учун смартфонлар қачон Android 12'га ўтишини аниқ айтиб бўлмайди.

Шу билан бирга, Oppo компанияси 11 октабрда ColorOS 12 тизимини, realme эса 12 октабрда realme UI 3.0 тизимини ишга туширади. Google маълумотларига кўра, Samsung, OnePlus, vivo ва Tecno компаниялари ҳам шу йилнинг охиридан бошлаб ўз смартфонларига Android 12 операцион тизимини жўнатишни бошлайди.

ЎҚИНГ: Иккита оммабоп Redmi смартфонига MIUI 12.5 Enhanced прошивкаси келишни бошлади