Келаётган йилнинг бўлғуси флагман процессори бенчмаркда «имтиҳон топширди»
Samsung компаниясининг янги маҳсулотлари ҳақида тез-тез аниқ маълумотларни эълон қиладиган нуфузли Ice Universe инсайдери юқори даражадаги Qualcomm Snapdragon 898 монокристал тизимининг синов натижаларини эълон қилди.
Qualcomm компаниясининг жорий йилнинг декабр ойида тақдим этилиши кутилаётган Snapdragon 898 мобил платформаси келаси йилнинг биринчи ярмида кўпчилик флагман смартфонларда қўлланилади. Бир ядроли режимда Qualcomm Snapdragon 898 тахминан 1200 балл тўплади ва барча ядролардан фойдаланганда натижа тахминан 3900 баллни ташкил этди.
Олдин эълон қилинган маълумотларга кўра, Qualcomm Snapdragon 898 мобил платформаси Samsung компаниясининг 4 нмли техжараёнидан фойдаланган ҳолда ишлаб чиқарилади. У учта кластерли архитектурадан фойдаланади: катта Cortex-Х2 ядроси 3,0 гигагерцли частотада, учта Cortex-А710 ядроси 2,5 гигагерцли частотада ва тўртта кичик Cortex-А510 ядроси 1,79 гигагерцли частотада ишлайди.
Xiaomi Snapdragon 898 смартфонини қўллаган биринчи ишлаб чиқарувчи бўлиши айтилмоқда. Xiaomi смартфони жорий йилнинг декабр ойида тақдим этилиши керак. Бироқ, Lenovo Motorolaʼнинг янги флагмани билан биринчи бўлиши мумкинлиги ҳақида миш-мишлар ҳам тарқалган.
