Ғилофлар Xiaomi 12, 12 Pro ва 12 Ultra смартфонларининг орқа панель дизайнини кўрсатиб берди

Ғилофлар Xiaomi 12, 12 Pro ва 12 Ultra смартфонларининг орқа панель дизайнини кўрсатиб берди

Интернетда тарқалган ғилоф суратлари Xiaomi 12 сериядаги смартфонларнинг орқа панель дизайнини кўрсатиб берди. 

ЎҚИНГ: 2021 йилнинг энг яхши Xiaomi смартфонлари билан танишамиз 

Xiaomi 12 ва 12 Pro моделларининг камера модулидан 50МП асосий камера ҳамда унга қўшимча яна иккита камера ўрин олади. Қўшимча камераларнинг ён томонида LED чироғи ва микрофон жойлашади. 

Xiaomi 12 Ultra'нинг ғилофи жуда ўзгача. Расмдан кўриниб турибдики, катта юмалоқ камера модули орқа панелдан бўртиб чиқиб турибди. Модулда нақ саккизта тирқиш мавжуд ҳамда уларнинг бештаси камералар учун мўлжалланган. 

Ушбу дизайн Huawei компаниясининг Mate 40 ҳамда Honor'нинг Magic 3 смартфонларини эслатиб юбормоқда. Ҳозирча Xiaomi 12 Ultra'га қандай камералар ўрнатилиши номаълум. 

Xiaomi 12 серияси декабрь ойининг ўн иккинчи санасида тақдим этилиши кутилмоқда. Демак, тақдимот эртага бўлиб ўтади. Аввалги маълумотларга ишонадиган бўлсак, ушбу тадбирда Xiaomi 12 Pro ва 12 Ultra моделлари тақдим этилмайди. 

ЎҚИНГ: iQOO ҳам Snapdragon 8 Gen1 чипига эга бўлган смартфонни тақдим этади