GeekBench Galaxy A53 5G'нинг техник жиҳатларини ошкор қилди

GeekBench Galaxy A53 5G'нинг техник жиҳатларини ошкор қилди

SM-A536U модель рақамидаги Galaxy A53 5G смартфони GeekBench'да тестдан ўтди. GeekBench смартфон Android 12 операцион тизимида ишлаши ва 6ГБ тезкор хотира эга бўлганини кўрсатиб берди. Смартфоннинг 8ГБ хотирага эга бўлган тури ҳам сотувга чиқиши тахмин қилинмоқда. 

Бенчмарк тақдим этган маълумотларнинг плата бўлимида “s5e8825“ рақами кўрсатилган бўлиб, бу Exynos 1200 чипининг код рақами ҳисобланади. Чип иккита 2.4 гигагертсли ҳамда олтита 2 гигагертсли ядролардан ташкил топган. Марказий процессор билан Mali-G68 график процессори биргаликда ишлайди. 

GeekBench смартфон ҳақида бошқа ҳеч қандай маълумот бермаган. Аввалроқ Galaxy A53 5G қурилмаси 120Hz экран янгиланиш частотасида ишловчи AMOLED дисплейи ҳамда 64МП асосий камерага эга бўлиши маълум бўлган эди. Galaxy A52 ва A52 5G қурилмаларида бўлган 3.5 мм аудио жек эса A53 5G моделидан олиб ташланади. 

А52 смартфонлари шу йилнинг март ойида тақдим этилганини ҳисобга олсак, Samsung компанияси A53 5G'нинг тақдимотини 2022 йилнинг март ойида ўтказади. 

ЎҚИНГ: Барча Galaxy S22 смартфонлари бир суратда 

Terabayt.uz сайтининг видеолари: Youtube'даги каналимизда!