Oppo Find N букламафони тақдим этилди

Oppo Find N букламафони тақдим этилди

Бир неча йиллик изланишлардан сўнг, Oppo компания ўзининг илк Oppo Find N деб номланган букланувчи смартфонини тақдим этди. Бозордаги бошқа рақобатчилардан фарқли ўлароқ Find N ўзига хос дизайнда ишлаб чиқарилди. 

ЎҚИНГ: Oppo ноодатий дизайндаги Oppo Air Glass ақлли кўзойнакларини тақдим этди 

Асосий фарқлардан бири шундаки, смартфоннинг ташқи экрани 18:9, ички экрани эса 8.4:9 форма факторида. Таққослаш учун, Galaxy Z Fold3'нинг ташқи экрани 25:9, Mi Mix Fold эса 27:9 форма факторида ишлаб чиқарилган. 

Қурилманинг устунлиги фақатгина форма факторда эмас. Унинг ҳажми ҳам фойдаланиш учун анча қулай. Oppo Find N букламафонининг ташқи дисплейи 5.49 дюйм, ички дисплейи эса 7.1 дюймни ташкил қилади. 

Янги Flexion Hinge - бу 136 та компонентдан иборат мураккаб букланувчи механизм бўлиб, у иккита муҳим вазифани бажаради. Биринчиси, экранни томчисимон шаклда буклайди, бу экрандаги чизиқни кўзга ташланмаслигига сабаб бўлади. Иккинчиси, смарфон букланганда унинг икки томони ҳеч қандай бўшлиқсиз бир-бирига тўлиқ тегиб туради. 

Шунингдек, ушбу механизм смартфоннинг икки қисмини 50º дан 120º градусгача бўлган исталган бурчакда ушлаб туриши мумкин. 

Келинг, энди Find N'нинг техник жиҳатларига назар ташлаймиз. Қурилмага махсус 12 қатламли Serene displeyi ўрнатилган. У Flexion Ultra Thin Glass номли шиша билан қопланган. Бошқа букламафонлардаги шишаларга нисбатан унинг қалинлиги 0.03 миллиметрни ташкил қилади. Ушбу омиллар смартфон дисплейини янада эластик бўлишини таъминлайди. 

Ички томонга LTPO AMOLED дисплейи ўрнатилган бўлиб, у жорий контентга қараб 1 гертсдан 120 гертс янгиланиш частотасида ишлаши мумкин. Сенсорли намуна олиш частотаси 1000 гертсгача етиши мумкин. Иккала дисплейнинг максимал ёрқинлиги 1000 нитни ташкил этади. 

Ташқи томонга 5.49 дюймли AMOLED дисплейи ўрнатилган. У Gorilla Glass Victus шишаси билан ҳимояланган. Ташқи дисплей стандарт 60 гертсда ишлайди. Унинг резолюцияси 1972х988 пикселни ташкил қилса, асосий дисплей резолюцияси 1792х1920 пикселни ташкил қилади. 

Oppo Find N букламафони максимал 12ГБ LPDDR5 тезкор хотира ҳамда 512ГБ UFS 3.1 доимий хотирага эга бўлган Snapdragon 888 чипида ишлайди. Қурилмада бир вақтнинг ўзида экранни иккига ажратиб, турли хил аммалларни бажариш мумкин. 

Смартфонда умумий бешта камера мавжуд. Уларнинг иккитаси орқа панелда, иккитаси эса олд панелда жойлашган. Find N букланувчи смартфон бўлгани учун унинг асосий камераларини селфи камера сифатида ҳам ишлатиш мумкин. 

Sony компаниясининг IMX766 сенсори смартфонга асосий камера сифатида ўрнатилган. Модулдан, шунингдек, 16МП ультракенг камера ҳамда 13МП телефото камералар ўрин олган. 

Букламафон 4,500 мАс сиғимли аккумулятор билан жиҳозланган бўлиб, уни 33 ваттда қувватлаш мумкин. Бундан ташқари, қурилмани 15 ваттда симсиз қувватлаш ҳам мумкин. 

Oppo Find N қурилмаси 23 декабрь санасида сотувга чиқади. 

Смартфоннинг нархи қуйидагича: 

Oppo Find N 8/256ГБ - 1200 доллар

Oppo Find N 12/512ГБ - 1410 доллар 

Маълумотларга кўра, смартфон ҳозирча фақат Хитой бозори учун ишлаб чиқарилади. 

ЎҚИНГ: Яна бир компания ўзининг биринчи букламафонини тақдим этади 

Сайт янгиликларидан доимий хабардор бўлиш учун Телеграм каналимизга қўшилинг!