Honor компанияси ҳам ўзининг биринчи букланувчи смартфонини тақдим этади
Бир неча ой муқаддам Honor компанияси Magic X номдаги ўзининг биринчи букламафонини 2021 йилнинг тўртинчи чорагида тақдим этиши айтилган эди.
Ушбу миш-мишлар тўғри бўлиб чиққанга ўхшайди. Кеча компания Magic V номдаги букланувчи смартфон яқин кунлар ичида тақдим этилишини эълон қилди.
Шунингдек, бошқа компаниялар сингари Honor ҳам Snapdragon 8 Gen1 чипига эга бўлган смартфонни тез орада сотувга чиқаради. Маълумотларга кўра, Magic V букламафони ҳам айнан Snapdragon 8 Gen1 чипи билан жиҳозланади.
Ҳозирча қурилманинг техник жиҳатлари ва дизайнига оид ҳеч қандай маълумот йўқ.