Nvidia компанияси RTX 3080, RTX 3070 график процессори ва RTX 3050 график картасини тақдим этди

Nvidia компанияси RTX 3080, RTX 3070 график процессори ва RTX 3050 график картасини тақдим этди

Nvidia кеча ноутбуклар учун иккита, иш столи компьютерлари учун эса битта янги график процессорини тақдим этди. 

RTX 3089 Ti ва RTX 3070 Ti Nvidia'нинг 30 серия график процессорлар қаторига киради. Ушбу мобил форм-факторидаги гарфик процессорлар худди иш столи компьютерларининг процессорлари каби юқори даражадаги унумдорликни тақдим этади. 

Ноутбуклар учун ишлаб чиқилган RTX 3080 Ti график процессори 16ГБ GDDR6 хотирасига эга. Таққослаш учун, худди шу моделнинг иш столи компутерига мосланган версияси 12ГБ хотирага эга эди. 

Nvidia'нинг таъкидлашича, мобил версия иш столи компутерининг аввалги авлод Titan RTX график процессоридан тезроқ ишлайди ҳамда Ультра созланмалари билан 1440p резолюция 120 кадр/секунд тезликда ишлаши мумкин. 

RTX 3080 Ti процессорига эга бўлган ноутбук 1 февраль санасида 2499 доллар нархда сотувга чиқади. 

RTX 3070 Ti эса аввалги RTX 2070'дан кўра 1.7 марта тезроқ ишлайди ва Ультра созланмалар билан 1440p резолюцияда 100 кадр/секунд тезликда ишлаши мумкин. Ушбу механизмга эга бўлган ноутбук 1 февралдан 1499 доллар эвазига сотила бошлайди. 

Nvidia, шунингдек, иш столи компьютерлари учун RTX 3050 видео картасини ҳам тақдим этди. У бошқа 30 серияли график карталар каби бир хил Tensor архитектурасига асосланган ва учинчи авлод Tensor ядроларига эга. 

Ушбу видео карта 2560 CUDA ядролари ва 8ГБ GDDR6 хотирага эга бўлиб, у HDMI 2.1, 4К 12-bit HDR 240Hz контентдаги DisplayPort 1.4а портини қўллаб-қувватлайди. 

RTX 3050 видео картаси 27 январда 249 доллар нархда сотувга чиқарилади. 

ЎҚИНГ: Рангини ўзгартира оладиган vivo V23 ва V23 Pro қурилмалари тақдим этилди 

Terabayt.uz сайтининг видеолари: Youtube'даги каналимизда!