Samsung компанияси S22 Ultra учун 45 ваттлик қувватлагични ишлаб чиқаради

Samsung компанияси S22 Ultra учун 45 ваттлик қувватлагични ишлаб чиқаради

Samsung ўз смартфонларига 45 ваттлик қувватлагични қайтаради. Инсайдер Роланд Қуандт берган маълумотларга кўра, Galaxy S22 Ultra модели 45 ватт қувватлаш технологиясини қўллаб-қувватлайди. 

Инсайдер алоҳида қутида сотиладиган EP-T4510 модель рақамли қувватлагич суратларини тақдим этди. 

Суратдан қувватлагич қутиси ичида қувватлаш адаптери ва USB-C кабели борлигини кўриш мумкин. 

Аввалроқ компания Galaxy S20 Ultra учун 45 ваттлик қувватлагичларни сотувга чиқарганди. Бир йилдан сўнг эса S21 сериясидаги барча смартфонлар фақатгина 25 ватт қувватлаш технологияси билан жиҳозланди. 

Янги қувватлагич иккила томони USB-C портига эга бўлган кабель билан бирга келади. Икки йил аввалги сотувга чиқарилган қувватлагич ҳам худди шундай эди. Биргина фарқ шундаки, янги EP-T4510 қувватлагичининг кабели 1.8 метр узликда бўлади. Аввалги EP-TA845XBNG қувватлагичинг кабели бир метр узунликда эди. 

Ҳозирда сотувда бўлган 45 ваттлик адаптер 50 доллар нархда сотилмоқда. Янги қувватлагич ҳам шу нарх атрофида сотувга чиқиши кутилмоқда. 

ЎҚИНГ: Учта Galaxy смартфони барқарор One UI 4 график қобиғига ўтмоқда 

Terabayt.uz сайтининг видеолари: Youtube'даги каналимизда!