iQOO 9 ва iQOO 9 Pro смартфонлари тақдим этилди
Кеча vivo суббренди бўлган iQOO иккита янги смартфонни тақдим этди. iQOO 9 ва iQOO 9 Pro қурилмаларининг орқа панелига BMW M машинасининг чизиқлари туширилган махсус талқини мавжуд.
ЎҚИНГ: Рангини ўзгартира оладиган vivo V23 ва V23 Pro қурилмалари тақдим этилди
iQOO 9
Ушбу смартфон 120Hz экран янгиланиш частотасида ишловчи 6.78 дюймли AMOLED дисплейи билан жиҳозланган. Дисплей 1080х2400 резолюцияда бўлиб, унинг максимал ёрқинлиги 1,500 нитни ташкил қилади.
Қурилмага Samsung компаниясининг f/1.75 диафрагмадаги 50МП ISOCELL GN5 сенсори асосий камера сифатида ўрнатилган. Шунингдек, смартфон 13МП ультракенг камера ва 2х зумни қўллаб-қувватловчи 12МП телефото камера билан жиҳозланган.
Қурилманинг селфи камераси 16 мегапикселни ташкил қилади.
iQOO 9 моделига 8/12ГБ тезкор ва 256/512ГБ UFS 3.1 доимий хотира билан бирга ишловчи Snapdragon 8 Gen1 чипи ўрнатилган. Смартфон 120 ваттда қувват олувчи 4,700 мАс сиғимли аккумулятор билан жиҳозланган.
Қурилма тўлиқ қувватланиш учун 19 дақиқа вақт сарфлайди. У Android 12 операцион тизимига асосланган OriginOS Ocean график қобиғида ишлайди.
iQOO 9 уч хил рангда тақдим этилди. Унинг нархи қуйидагича:
iQOO 9 (8/256ГБ) - 629 доллар
iQOO 9 (12/265ГБ) - 692 доллар
iQOO 9 (12/512ГБ) - 755 доллар
Қурилма фақат Хитой бозорида сотувга чиқарилади. Ҳозирча унинг халқаро бозорга сотувга чиқиши номаълум.
iQOO 9 Pro
Pro моделга 6.78 дюймли икки томони қайрилган AMOLED дисплейи ўрнатилган. Унинг резолюцияси 1440х3200 пикселга оширилган. Қурилмада LTPO 2.0 панели бўлиб, у жорий контентга қараб 1-120Hz частотада ишлаши мумкин.
Pro модель ҳам Snapdragon 8 Gen1 чипида ишлайди. Унга 50МП асосий камера, 50МП ультракенг камера ва 2.5х зумни қўллаб-қувватловчи 16МП телефото камера ўрнатилган. Қўрилмага ҳам оддий модель каби 16МП селфи камера ўрнатилган.
iQOO 9 Pro'га ҳам 120 ваттда қувват олувчи 4,700 мАс сиғимли аккумулятор билан жиҳозланган. Бироқ оддий моделдан фарқли ўлароқ, Pro модель 50 ваттда симсиз қувват олиши ҳамда 10 ваттда ўзидан қувват бериши мумкин. Смартфон Android 12 операцион тизимига асосланган OriginOS Ocean операцион тизимида ишлайди.
iQOO 9 Pro икки хил рангда тақдим этилди. Унинг нархи қуйидагича:
iQOO 9 Pro (8/256ГБ) - 786 доллар
iQOO 9 Pro (12/256ГБ) - 856 доллар
iQOO 9 Pro (12/512ГБ) - 943 доллар
Иккала қурилма 12 январь санасида сотувга чиқади.
