Redmi 10 (2022) тақдим этилди

Xiaomi халқаро бозор учун мўлжалланган Redmi 10 (2022) смартфонини тақдим этди. Қурилма бюджет синфига кирувчи смартфон бўлиб, унинг максимал хотираси 4/128ГБ ташкил қилади. 

Redmi 10 2022 моделига 90Hz янгиланиш частотасида ишловчи FullHD+ резолюциядаги 6.5 дюймли IPS LCD дисплейи ўрнатилган. Дисплей жорий контентга қараб 45/60/90Hz частоталарда ишлаши мумкин. Экранни Gorilla Glass 3 шишаси ҳимоялаб туради. Бармоқ изи сканери қурилманинг ён томонидан ўрин олган. 

Смартфон MediaTek Helio G88 чипи билан жиҳозланган. Шунингдек, унга 50МП асосий камера, 8МП ультракенг камера, 2МП макро камера, 2МП сатҳ камера ва 8МП селфи камера ўрнатилган. 

Аккумулятор қуввати 5,000 мАс бўлиб, у 18 ваттда қувват олади. Қурилма NFC, инфрақизил порт ҳамда стерео динамикларга эга. Смартфон Android 11 операцион тизимига асосланган MIUI 12.5 график қобиғида ишлайди. 

Redmi 10 2022 қурилмасининг ўлчамлари  161,95 х 75,53 х 8,92 мм, оғирлиги эса 181 граммни ташкил қилади. Унинг учта ранг мавжуд: оқ, кулранг ва кўк. Нархлар ҳали эълон қилинмаган, аммо янги моделнинг нархи ҳозирги Redmi 10 билан бир хил бўлиши аниқ.

ЎҚИНГ: Энг кучли ўрта тоифадаги Android смартфонлар рейтинги (AnTuTu)