Xiaomi 12 ва Xiaomi 12 Pro халқаро бозор учун шу ойнинг ўзида сотувга чиқади
Xiaomi 12 ва Xiaomi 12 Pro моделлари ўтган йилнинг декабрь ойида Хитой бозори учун сотувга чиққан эди. Ниҳоят икки модель шу ойнинг охирида халқаро бозор учун ҳам сотувга чиқади.
Ҳозирда смартфонларнинг Европадаги нархи маълум бўлди. Унга кўра, Xiaomi 12 модели 899 евро, Xiaomi 12 Pro модели эса 1099 доллар нархда сотувга чиқади.
Бу смартфонларнинг базавий моделлари учун кўрсатилган нархлар. Каттароқ хотирага эга бўлган версиялар учун эса яна қўшимча пул тўлаш керак бўлади.
Таъкидлаш жоизки, базавий моделдаги Xiaomi 12'нинг нархи Galaxy S22'дан 50 евро, Xiaomi 12 Pro эса Galaxy S22+ моделидан 50 еврога қимматроқ.
Хўш, қиммат бўлишига қарамай, Xiaomi 12 ва Xiaomi 12 Про моделлари халқаро бозорда Galaxy S22 қурилмалари билан рақобатлаша оладими? Буни вақт кўрсатади.
ЎҚИНГ: Redmi Note 11E 5G ва 11E Pro смартфонлари тақдим этилди
