Samsung ўзининг Galaxy Watch5 смарт-сотларига янги функция қўшмоқчи

ETNews маълумотларига кўра, Samsung янги Galaxy Watch5 смарт-соатларига термометр қўшиш устида ишламоқда. Бу COVID-19 ва иситмани келтириб чиқарадиган бошқа касалликларнинг дастлабки белгиларини аниқлаш учун фойдали бўлади. 

Соатни термометр сенсори билан жиҳозлаш етарли эмас. Билакнинг тери ҳароратига қуёш нури каби ташқи омиллар кучли таъсир қилади, бу эса тана ҳароратини аниқ ўлчашни қийинлаштиради. Шунинг учун Samsung ва бошқа компаниялар (масалан, Apple) сенсорни смарт-соатларга ўрнатишдан воз кечишган эди. 

Корея нашрининг хабар беришича, Samsung ушбу муаммони ҳал қилган. Ҳақиқатан ҳам, тана ҳароратини ўлчовчи сенсор бу йилги Samsung'нинг тақиладиган қурилмаларига ўрнатилиши мумкин, чунки компания инсон тана ҳароратини ўлчаши мумкин бўлган Galaxy Buds прототипини синаб кўрмоқда. Прототип қулоқ пардаси ҳароратини кузатиш учун инфрақизил сенсордан фойдаланади. 

Маълумотларга кўра, Samsung Galaxy Watch5 серияси август ойида тақдим этилади. 

ЎҚИНГ: Galaxy M53 5G GeekBench маълумотлар базасида пайдо бўлди