Mi Band 7 смарт билагузуги тақдим этилди

Mi Band 7 смарт билагузуги тақдим этилди

Кеча Xiaomi компанияси Mi Band 7 смарт билагузуги билан бир қаторда Redmi Buds 4 ва Buds 4 Pro қулоқчинларни тақдим этди. 

Mi Band 7 

Mi Band 7'нинг экрани 1.65 дюймдан 1.62 дюймга ошди. Экран резолюцияси 490х192 пикселни ташкил қилиб, энди унда Always-on display функциясидан танлов сифатида фойдаланиш мумкин. 

Шунингдек, экраннинг фойдаланиш мумкин бўлган ҳудуди 25% га катталашди. Қондаги кислородни аниқлаш сенсори ҳам такомиллашди. 

Жами 120 та машғулот режими, тўртта профессионал спорт режими, машқларни автоматик аниқлаш, дўстлар билан мусобақалар ўтказиш имконияти ва бошқалар билан фитнесни кузатиш функциялари ҳам яхшиланди. 

Xiaomi'нинг такидлашича, 180 мАс сиғимли аккумуляторга эга бўлган қурилма 14 кун ишлаб бера олади. Бу катта эҳтимол билан Always-on display функцияси ўчиқ бўлган ҳолатдаги натижа бўлиши керак. Тўлиқ қувватланиш учун билагузук 2 соат вақт сарфлайди. 

Mi Band 7 моделининг нархи тахминан 35 долларни ташкил қилади. Қурилмага олдиндан буюртма бериш кечадан бошланган. Унинг NFC модели билан эса контактсиз тўловларни амалга ошириш мумкин. 

Redmi Buds 4  ва Buds 4 Pro 

Redmi Buds 4 Pro смарт шовқинни қайтариш функциясига эга. Шунингдек, унда IP54 стандарти бўлиб, у қулоқчинни сув томчиларидан ҳимоя қилади.

Компания берган маълумотларга кўра, қулоқчин шовқинни қайтариш функцияси ўчиқ бўлганда 9 соат ишлаб бера олади. Қути эса қулоқчинни 36 соатга етадиган қувват билан таъминлайди. 

Redmi Buds 4 Pro қора ва оқ рангларда тақдим этилди. Унинг нархи тахминан 56 долларни ташкил қилади. 

Redmi Buds 4 ҳам шовқинни қайтариш функциясига эга. Бироқ унинг даражаси Pro моделчалик юқори эмас. Қурилманинг қутиси қулоқчинларни 30 соатга етадиган қувват билан таъминлайди. 

Redmi Buds 4 кўк ва оқ рангларда тақдим этилди. Унинг нархи тахминан 30 долларни ташкил қилади. Иккала моделдаги қулоқчинларга олдиндан буюртма бериш мумкин. 31 майдан эса улар ўз эгаларига етказиб берилади. 

Mi Band 7, Redmi Buds 4 ва Buds 4 Pro қурилмалари кейинроқ халқаро бозор учун сотувга чиқади. 

ЎҚИНГ: Redmi Note 11T Pro ва Note 11T Pro+ смартфонлари тақдим этилди 

Сайт янгиликларидан доимий хабардор бўлиш учун Телеграм каналимизга қўшилинг!