Кутиб олинг – Honor 70 Pro ва 70 Pro+
Honor 70 серияси расман тақдим этилди. Ушбу серия Honor 70, 70 Pro ва 70 Pro+ моделларидан ташкил топган. Honor 70 Pro ва 70 Pro+ моделлари кўп жиҳатдан бир-бирига ўхшайди. Фарқлар эса асосан уларнинг чипсетларида. Икки қурилмага ҳам МедиаТек Dimensity чипи ўрнатилган. Оддий Honor 70 эса флагман синфига мансуб эмас.
Honor 70 Pro+
Ушбу смартфон 4 нанометрли жараён асосида яратилган Dimensity 9000 чипи билан жиҳозланган бўлиб, унда битта Cortex-X2 (3.05 гигагертс), учта A710, тўртта A510 ядроли ҳамда Mali-G710 MC10 график процессор ҳамда янги sub-6GHz 5G модем жойлашган.
Қурилмага 120 гертс частотада ишловчи 6.7 дюймли OLED дисплейи ўрнатилган. Ушбу дисплей асосан Huawei томонидан ишлаб чиқилган «HDR Vivid» форматидан фойдаланадиган видеони намойиш қилиши мумкин.
Учала моделга ҳам Sony компаниясининг янги IMX800 сенсори асосий камера сифатида ўрнатилган бўлиб, унинг резолюцияси 54 мегапиксел, пиксел катталиги эса 1.0 микронни ташкил қилади. Шунингдек, у f/1.9 диафрагмадаги линза билан жиҳозланган.
Асосий камера ёнидан макро вазифасини ҳам бажарувчи 50МП ультракенг камера ҳам жой олган. Pro ва Pro+ моделлари эса 3х оптик ҳамда 30х рақамли зумни қўллаб-қувватловчи 8МП телефото камерага ҳам эга. Олд панелда эса 50МП селфи камера жойлашган.
Honor 70 сериясида Vlog режими мавжуд бўлиб, у объектларни кадрда ушлаб туриш учун сунъий интеллект ва камераларнинг VoF функциясидан фойдаланади. Смартфон бир вақтнинг ўзида селфи ҳамда орқа камералар орқали видео ёзиб олиши мумкин.
Honor, шунингдек, қурилманинг қувватланиш тезлигини ҳам яхшилади. Энди 4,500 мАс сиғимли аккумуляторни 100 ваттда қувватлаш мумкин. Тўлиқ қувват олиш учун смартфон 30 дақиқа вақт сарфлайди.
Honor 70 Pro модели 16 июндан сотувга чиқади. Унинг нархи қуйидагича:
8/256ГБ - 645 доллар
22/256ГБ - 690 доллар
Honor 70 Pro
Honor 70 Pro кўп жиҳатдан Pro+ моделига ўхшаб кетади. Аниқроқ қилиб айтганда, икки қурилманинг дисплей, аккумулятор ва камера тахник кўрсаткичлари бир хил. Фақатгина уларга икки хил чип ўрнатилган.
Ушбу модель Dimensity 8000 чипидан ишлайди. Чип 5 нанометрли жараён асосида яратилган бўлиб, Cortex-A78 ва A55 ядролари ҳамда Mali-G610 MC6 гарфик процессорига эга.
Қизиқ томони шундаки, Pro моделининг 512ГБ хотирага эга тури мавжуд. Демак, смартфоннинг нархи қуйидагича:
8/256ГБ - 555 доллар
12/256ГБ - 600 доллар
12/512ГБ - 660 доллар
Смартфон 20 июндан сотувга чиқади.
