Windows компютерингиз учун энг зўр дастурлар
Microsoft компанияси ўзининг Windows учун дастурлар дўконидаги энг яхши иловалар танловини ўтказди. Жорий йилнинг бошидан номзодлар йиғиш ва ўтган ой бошидан эса номзодлар учун овоз бериш жараёнлари ўтказилганидан кейин фойдаланувчилар Microsoft Store'даги энг зўр иловаларни аниқлаб беришди.
Танлов натижаларига кўра, компютер учун утилиталар категориясида экранни скриншот ва скринвидео қилиш учун кўп функсияли ShareX дастури, шунингдек, интернет тезлигини ўлчаш имконини берадиган таниқли Speedtest дастури ғолибликни қўлга киритишган. Шулар билан биргаликда, Torrex Lite ва Fluent Screen Recorder иловалари ҳам шу қаторда энг яхши деб топилган.
Файл менежменти бўлими бўйича эса Microsoft Store'даги Files ва Rufus дастурлари биринчиликни эгаллаган бўлса, 8 Zip, One Commander дастурлари улардан кейинги ўринларни эгаллаган.
Яна бир очиқ кодли дастурлар категорияси бўйича эса Auto Dark Mode, EarTrumpet ва ModernFlyouts дастурлари ғолиб бўлишган. Lively Wallpaper, TranslucentTB дастурлари эса иккинчи ўринни эгаллаган.
Шунингдек, Microsoft Store жамоаси ҳам маълум бир йўналишларга кўра ўзлари энг яхши деб билган дастурлар қайси эканлигини маълум қилишди ва улар билан қуйида танишишингиз мумкин.
Махсус Эътироф
- Talk for Me
Кўнгилочар видео дастурлар
- Disney+
- Hulu
- Tubi
Кўнгилочар аудио дастурлар
- Spotify
- FluentCast
- GroverPro
Креативлик - графика ва 3Д бўйича
- Canva
- Paint.NET
- Adobe Express
- Affinity Designer
- Blender
- Concepts
Креативлик - аудио ва видео бўйича
- Wondershare Filmora
- dJay Pro
- Animotica – Movie Maker
Ишчанлик бўйича
- Drawboard PDF
- Shapr3D
Ижтимоий тармоқлар бўйича
- Discord
- Telegram
Юқорида келтириб ўтилган барча иловаларни ҳозироқ ўз компютерингиз Microsoft Store орқали юклаб олишингиз мумкин.
