Galaxy Xcover 6 Pro тақдимот санаси маълум бўлди
Май ойидан бери Samsung янги Galaxy Xcover 6 Pro номли "қаттиқ" смартфон устида ишлаётгани миш-миш қилиб келинаётган эди. Энди, расман маълум бўлишича, компания келаси ойда у билан биргаликда яна бир қаттиқ қурилма, Galaxy Tab Active 4 Pro планшетини ҳам қўшиб чиқаради.
Xcover 6 Pro смартфони Samsung анчадан бери чиқармаётган мустаҳкам телефон бўлиб, гарчи компания чиқариб олса бўладиган батареяли смартфонлар сотишни анча олдин тўхтатган бўлса ҳам, у бу қурилма учун истисно қилади. Аввал тарқатилган рендерлардан кўриш мумкинки, телефон қаттиқ ва қалин пластик билан ўралган ва у IP68 ҳимоя даражасига эга. Вертикал чизиқли нақшга эга орқа панелида эса вертикал туширилган иккилик камераси бор ва уларнинг асосийси 50MP бўлиши мумкин.
Телефон 6.56 дюймли экран ва унинг юқори марказидаги томчи тирқишда 13MP селфи камера, Snapdragon 778G чипсет билан 6GB оператив, 128GB доимий хотирага эга бўлади. Миш-мишларга қараганда, унинг алиштирса бўладиган батареяси 4,500 mAh бўлади. Шунингдек, 235 грамм ва 10 миллиметрлик қалинликдаги смартфон 3.5 мм симли қулоқчин учун уяга эга бўлади.
Galaxy Tab Active 4 Pro эса, у ҳам мустаҳкам ҳимояланган қопламага эга. Афсуски, у алиштирса бўладиган батарея билан чиқарилмайди, лекин планшет бир неча марта зарбалар ва тушириб юборилишларга чидай олади ва S Pen билан келади.
Бироз қўпол бўлса-да, лекин мустаҳкам ҳимояланган ушбу қурилмалар келаётган 13 июл куни бўладиган онлайн тадбирда глобал бозорга тақдим қилинади.
