Xiaomi 12 Lite тақдим этилди

Xiaomi 12 Lite тақдим этилди

Аввалроқ бир неча тизерлари эълон қилинган Xiaomi 12 Lite энди расман тақдим этилди. Янги модель 120 гертсли AMOLED дисплей ва 108МП асосий камерага эга. 

Xiaomi 12 Lite ўтган йилги Xiaomi 11 Lite 5G NE моделининг янги авлоди ҳисобланиб, унда Dolby Vision ва HDR10+ имкониятларини қўллаб-қувватловчи 6.55 дюймли AMOLED дисплейи сақланиб қолинган. Дисплей 120 гертс экран янгиланиш частотаси ҳамда 240 гертс сенсорли намуна олиш частотасида ишлайди. 

Қурилма 6/8ГБ тезкор ва 128/256ГБ доимий хотирага эга бўлган 6 нанометрли Snapdragon 778G чипи билан жиҳозланган. 

Орқа томонда Samsung HM2 сенсорига эга бўлган f/1.9 диафрагмадаги 108МП асосий камера, f/2.4 диафрагмадаги 8МП ультракенг камера ҳамда 2МП макро камера жойлашган. 

Селфи камера резолюцияси 32МП бўлиб, у Samsung GD2 сенсорига эга. Камера автофокус, портрет ва Xiaomi Selfie Glow каби бир қанча қизиқарли функцияларга эга. 

Смартфон 67 ваттда қувват олувчи 4,300 мАс сиғимли аккумулятор билан жиҳозланган. Қуввлаш адаптери смартфон қутисида бўлади. Гаджетга иккита SIM-карта қўйиш мумкин. Қурилма Android 12 операцион тизимига асосланган MIUI 13 график қобиғида ишлайди. 

Xiaomi 12 Lite қора, пушти ва яшил рангларда тақдим этилди. Унинг нархи қуйидагича:

6/128ГБ - 400 доллар

8/128ГБ - 450 доллар

8/256ГБ - 500 доллар 

ЎҚИНГ: LPDDR5X тезкор хотирага эга бўлган биринчи смартфон тақдим этилади 

Terabayt.uz сайтининг видеолари: Youtube'даги каналимизда!