Nokia ўзининг учта ретро смартфонини янгилади

Nokia ўзининг учта ретро смартфонини янгилади

Nokia ўзининг ўтмишдаги смартфонларини янгилади. 1999 йилги 8210 модели ўзгартирилиб 8210 4G модели сифатида таништирилди.

Nokia 2660 Flip модели ҳам янгиланган қурилмалар қаторидан жой олди. Афсонавий Nokia XpressMusic сериясига янги Nokia 5710 XpressAudio телефони қўшилди. Ушбу моделнинг корпусидан симсиз қулоқчинлар ўрин олган. 

Nokia 5720 XpressAudio 

Симсиз қулоқчинлари бўлгани учун Nokia 5710 XpressAudio учала телефон ичида энг қизиқарли қурилма бўлиб кўринади. Чунки қурилманинг орқа панелида симсиз қулоқчинлар учун махсус жой яратилган. У ерда қулоқчинлар зарядланади. Қулоқчинлар орқали исталган мусиқани тинглаш мумкин. Шунингдек, уларни бошқа қурилмаларга уласа бўлади. Агар сизга симсиз қулоқчинлар ёқмаса, одатий симли қулоқчинлардан фойдаланишингиз мумкин. Бу учун қурилмада 3.5 мм аудио жек мавжуд. 

Nokia 5710 модели 2.4 дюймли QVGA рангли экранга эга. Шунингдек, телефонга VGA камера ва корпусдан олса бўладиган 1,450 мАс сиғимли аккумулятор ўрнатилган. 

Nokia 8210 4G

Nokia 8210 4G телефонининг дизайни 1999 йилда тақдим этилган классик моделдан олинган. Бироқ унинг барча техник кўрсаткичлари ўзгарган. Қурилмага 2.8 дюймли QVGA рангли экран ўрнатилган. У LTE тармоғини қўллаб-қувватлайди, хотирани 32ГБ microSD картаси билан кенгайтириш мумкин. Телефон корпуси поликарбонатдан ясалган. Унинг сариқ, кўк ва қизил рангли турлари мавжуд. 

Қурилма корпусдан ажратиб олса бўладиган 1,450 мАс сиғимли аккумулятор билан жиҳозланган. Унинг қуввати олти соат тинимсиз телефон орқали гаплашишга етади. Телефонда радио ва афсонавий илон ўйни мавжуд. 

Nokia 2660 Flip

Nokia 2660 Flip модели Nokia тақдим этган учинчи янги смартфон. Ушбу раскладушка форма факторидаги қурилма 2.8 дюймли QVGA асосий экран ва 1.77 дюймли иккинчи экранга эга. Бундан ташқари, қурилмага VGA камера ҳамда 1,450 мАс сиғимли аккумулятор ўрнатилган. 

Гаджет катта тугамаларга эга бўлиб, ёши катта инсонлар ундан бемалол фойдаланишлари мумкин. Қурилма 32ГБ гача бўлган microSD картасини қўллаб-қувватлайди. Унинг қора, кўк ва қизил рангли турлари сотувга чиқади. 

Телефонларнинг нархи қуйидагича:

Nokia 8210 4G - 59 евро

Nokia 2660 Flip - 59 евро

Nokia 5710 XpressAudio - 69 евро

ЎҚИНГ: Кўплаб шов-шувларга сабаб бўлган Nothing phone (1) расман тақдим этилди 

Сайтимизнинг энг чиройли расмларини Инстаграмдаги саҳифамизда томоша қилинг!