Ўтган ойда дунё бўйлаб энг кўп юклаб мобил ўйинлар
Sensor Tower жорий йилнинг июн ойига кўра дунё бўйлаб энг кўп юклаб олинган мобил ўйинлар топ ўнталиги рўйхатини эълон қилди. Унга кўра, Sybo Games'нинг бу йил ўн йиллигини нишонлаётган Subway Surfers ўйини ўтган ойда 26 миллиондан ортиқ юклаб олинишлар билан умумий рўйхатда биринчи ўринни эгаллаган ва бу биринчи марта эмас, ўйин ўтган ойда ҳам биринчиликни қўлга киритган.
Фахрли иккинчи ўринни эса Garena'нинг Free Fire номли battle-royale жанридаги ўйини бир неча ойда бери банд қилиб келмоқда.
Умумий рўйхатнинг топ бешталиги ўтган ойга қараганда кўпроқ юклаб олинишлар билан юқори поғоналарга кўтарилган Stumble Guys ва Bridge Race ўйинлари, шу билан бирга, бу ойги рўйхатга янги қўшилган Dessert DIY ўйини билан якунланади.
Шунингдек, ўтган ойнинг бошида чиқарилганига қарамай, Blizzard'нинг Diablo Immortal ўйини қисқа вақт ичида дунё бўйлаб энг кўп юклаб олинган ўйинлар қаторига киришга муваффақ бўлган ва гарчи у умумий рўйхатнинг охирги ўрнини эгаллаган бўлса ҳам, App Store'дан юклаб олинган ўйинлар ичида биринчи ўринда турибди.
Маълумотларга кўра, ўтган ойда App Stpre ва Google Play Store ўйин дўконларидан жами 4.6 миллиард ўйинлар юклаб олиш амалга оширилган ва бунинг 18.4 фоизи ёхуд 844.8 миллиондан ортиғи Ҳиндистонга тўғри келади.
