Apple ўзини-ўзи бошқара оладиган автомобилни ишлаб чиқариш жараёнига жиддий киришмоқда

Apple ўзини-ўзи бошқара оладиган автомобилни ишлаб чиқариш жараёнига жиддий киришмоқда

Apple кўп йиллардан бери ўзининг биринчи автомобили устида ишламоқда. Компания ўзини-ўзи бошқара оладиган автомобилини ишлаб чиқаришни режа қилган. 

Автомобиль проекти жуда махфий бўлиб, ҳозирда унга Lamborghini билан йигирма йил давомида ишлаган Луиджи Тараборрелли қўшилган. Тараборрелли суперкарлар ишлаб чиқарувчи компанияда шасси ва автомобиль динамикаси бўлими бошлиғи бўлган ва у бўлажак Apple автомобили дизайнига раҳбарлик қилади.

Тараборрелли бошқа кўплаб Lamborghini лойиҳалари қаторида Urus, Huracan ва Aventador автомобиллари устида ишлаган. Шунингдек, у йўл танламас Huracan - Sterrato ҳамда Asterion контсепцияси устида ҳам ишлаган. Lamborghini автомобилларининг шасси, суспензия, бошқаруви ва тормоз тизимлари бўйича тажрибага эга бўлган муҳандиснинг Apple'га чақирилиб олиниши компаниянинг автомобиль дизайнини якуний босқичида эканлигидан далолат беради.

Тараборрелли билан бирга жорий йилнинг май ойида Apple томонидан ишга олинган Ford компаниясининг автомобиль хавфсизлиги бўйича собиқ раҳбари Деси Ужкашевич ишлайди. Шунингдек, Apple жамоасида Canoo компаниясининг собиқ бошлиғи ва BMW EV бўлимининг собиқ раҳбари Улрич Кранз ҳамда Tesla Autopilot жамоаси раҳбари Стюарт Бауэрс бор.

Apple нафақат автомобилни, балки келгуси йилларда уни ишлаб чиқарадиган муҳандислар жамоасини ривожлантирмоқда. Tesla, Rivan, Waymo, Volva ва Mercedes-Benz компанияларининг энг яхши муҳандислари аллақачон Apple автомобили лойиҳаси устида ишламоқда. Tesla, McLaren, Porsche ва Aston Martin компанияларининг юқори малакали дизайнерлари жамоага бой тажриба қўшади.

2025 йилда сотувга чиқарилиши керак бўлган автомобиль дизайни ҳақида бизга маълум бўлган нарса шуки, автомобилда йўловчилар бир-бирига қараган ҳолда саёҳат қилишлари мумкин бўлади. Шунинг учун ушбу технологияни мукаммал ҳолда яратиш компаниядан кўп вақт талаб қилмоқда. Автомобилда руль ёки бошқа бошқарув элементлари бўлмагайди, яъни у дунёдаги биринчи ҳақиқий ўзини-ўзи бошқара оладиган автомобиль бўлади. Apple смартфон саноатида iPhone билан кўтарган шов-шувини энди энди автомобиль саноатида такрорламоқчи.

Компания ўз машинаси устида 2014 йилдан бери ишлаб келмоқда, бу эса вазифа қанчалик катта шкалада эканлигини исботлайди. Шу вақтгача жамоада бир қанча ўзгаришлар бўлди, хусусан, ишга янги раҳбарият тайинланди. Ҳатто лойиҳа бекор қилингани ҳақидаги миш-мишлар тарқалди. Шунга қарамай, компания ўз йўлидан юришни давом этмоқда. 

ЎҚИНГ: Xiaomi камера ва ички экранга эга келажак кўзойнакларини тақдим қилди 

Сайт янгиликларидан доимий хабардор бўлиш учун Телеграм каналимизга қўшилинг!