One UI 5.0 оммавий синовга чиқарилди!

Samsung мухлислари узоқ кутган вақт келди. Компания, ваниҳоят, ўзининг Galaxy S22 сериясидаги смартфонлари учун Android 13 га асосланган One UI 5.0 қобиғининг оммавий синов версиясини Жанубий Корея, Германия ҳудудларида чиқарди. XDA янгиланиш ўз ичига олган асосий ўзгаришлар билан улашди.

Виджетлар тўплами

Энди сиз асосий экранда биттада бир нечта виджетларни жойлаштира оласиз. Буни амалга ошириш учун, мавжуд виджетни ушлаб туриш, очилган контекст менюдан "Виджет қўшиш"ни танлаш керак. Сиз тўпланган виджетларнинг биридан-бирига свайп қилиб ўтишингиз мумкин. 

Янги Material You ранглари

Android 12 билан фон расмига мослашувчан ранглар хусусияти қўшилган эди. Эндиликда Android 13 билан ушбу функция янада ривожланган: янада кўпроқ ранглар тўплами ва тизим иловаси бўлмаган ва Material You'ни қўллаб-қувватловчи бошқа иловаларнинг ҳам ранглари ўзгариши.

Мархфийлик маркази

Хавфсизлик ва махфийлик бўлими One UI 5.0 да катта янгиланишни қабул қилган. Энди сиз хавфсизликка оид барча созламаларга фақат битта жойдан киришингиз ва чиройли, тартибланган бўлимдан ўз смартфонингиз хавфсизлик ҳолатини янада осон тушиниб олишингиз мумкин.

Рухсат сўрови ойнаси

Янги илова ўрнатганингиз у сиздан телефонингиздаги нарсалар учун рухсат сўрайди, масалан, камера, микрофон, контактлар ва бошқалар. Ушбу рухсат сўраш ойнаси ҳам бироз дизайн ўзгаришига учраган: эндиликда ҳар бир тугма рангли қути ичида алоҳида бўлиб ажралиб туради ва бу қулайликни оширади. 

Билдиришномалар ўзгариши

One UI 5.0 билан билдиришномалар ҳам кичик ўзгаришларни қабул қилган. Чап томондаги билдиришнома иконкалари катталашган ва "Билдиришнома созламалари", "Тозалаш" тугмалари янада аниқлик учун қути ичига олинган.

Белгиларни оптик аниқлаш (OCR)

Сезиларли ўзгаришларнинг яна бири шуки, энди сиз OCR ("optical character recognition"), ўзбекчасига "белгиларни оптик аниқлаш") функцияси билан суратлардан матнларни ажратиб олишингиз мумкин. Ундан фойдаланиш учун: галареянгиздаги матнни ўз ичига олган исталган суратни очинг ва пастки ўнг бурчакдаги "Т" белгили тугмага босинг. Шундай кейин, сиз ажратилган матндан нусха олишингиз ёки улашишингиз мумкин.

Қизиғи шундаки, сиз бу функциясидан исталган жойда фойдаланишингиз мумкин. Масалан, Google'ни очинг ва қидирув майдонига босиб туринг. Очилган контекст менюдан "Extract text" ("Матнни чиқариб олиш) тугмасига босинг. Сизга камера иловаси очилади ва у билан сиз исталган жойдаги матнни ажратиб олишингиз ва уни қидирувга беришингиз мумкин. Айтилганидек, сиз бундан нафақат Google, балки, исталган илова ичида фойдалана оласиз.

Янги имо-ишоралар

Samsung янги прошивкага иккита янги имо-ишорларни қўшган ва улар сизга бир вақтнинг ўзида бир нечта вазифаларни бажариш имконини беради. Биринчиси, жорий ойнани қалқиб турувчи кўринишга келтириш учун юқори бурчакдан свайп қилиш бўлса, иккинчиси, ажратилган экран ҳосил қилиш учун икки бармоқ билан свайп қилиш хусусиятидир. 

Қўнғироқлар вақтида эслатма хат ёзиш

Қўнғироқ вақтида айтилган рақамни ёзиб олиш учун ручка ва қоғоз қидириб қолиш ҳолати кўпчиликка таниш. Samsung эндиликда бу муаммога ажойиб ечим топибди: энди сиз қўнғроқ вақтида эслатма хат ёзиб олишингиз мумкин ва у "Фалончи билан қўнғироқ" (бунда "фалончи" контакт номи) каби сақланиб қолади. 

Камеранинг Pro режимида ёрдамчилар

Агар камерангизда линзалар нималар қила олишини билмасангиз, One UI 5.0 билан камерани очинг ва Pro режимга ўтинг. У ерда сиз камера линзаларининг биридан бошқасига ўтишингиз ва уларнинг нима қила олиши ҳақидаги ёрдамчи матнни ўқишингиз мумкин.

One UI 5.0 шу ва бошқа кичик ўзгаришларни ўз ичига олади. Гарчи бу жуда катта янгиланишга ўхшамаса ҳам, у белгиларни оптик аниқлаш каби керакли хусусиятлар билан келади.

Кейинги ҳафта ўтказилиши режалаштирилган Galaxy Unpacked тақдимотида Samsung компанияси One UI 5.0 ни расман тақдим қилиши ва ундаги янги функциялар ҳақида батафсил маълумотлар бериши кутилмоқда.

ЎҚИНГ: Samsung смартфонлари серияси Galaxy S, М, А ва Note моделлари бир-биридан қандай фарқланади?