Motorola'дан Razr 2022 бўлса, Xiaomi'дан Mix Fold 2
Август ойи букламафонлар ойи бўладиган кўринади. Бир томондан Жанубий Кореянинг Samsung компанияси ўзининг янги авлод букламафонларини тақдим қилишга тайёрланаётган бўлса, яна бир томонда икки хитойлик компания уларга рақиб тайёрламоқда: Galaxy Z Flip 4 учун Motorola Razr 2022, Galaxy Z Fold 4 учун Xiaomi Mix Fold 2.
Xiaomi раҳбари ўзининг расмий Weibo саҳифасида "букланувчи флагманнинг янги авлоди, инқилобий ютуқ - Xiaomi Mix Fold 2" букламафонини тақдим қилинишини эълон қилди.
"Саноат миқёсидаги тўрт йиллик тадқиқотлардан сўнг, букланадиган экранли мобил телефонлар катта ютуқларга эришди. Аммо, масофа амалий ва ишлатиш учун қулай ва охирги бу ерда тўсиқ мавжуд." дейди Лей Жун.
Маълум бўлишича, Қуалcоммънинг Snapdragon 8+ Gen 1 чипсети билан чиқариладиган Xiaomi Mix Fold 2 букланадиган смартфони Samsung ўзининг Galaxy Z Fold 4 букламафонини тақдим қилганидан кейин, 11 август куни тақдим қилинади.
Бундан ташқари, худди шу куни Motorola компанияси ҳам ўзининг Galaxy Z Flip каби очилиб-ёпиладиган Razr 2022 букламафонини эълон қилиниши кутилмоқда.
ЎҚИНГ: Apple'нинг АR/VR қурилмаси қачон чиқарилиши мумкинлиги маълум қилинди
