Galaxy Z Flip4'га рақобатчи тайёр

Узоқ кутилган Motorola Razr 2022 модели ниҳоят тақдим этилди. Смартфон Z Flip4 каби “раскладушка“ форма факторида ишланган бўлиб, унга такомиллашган дисплей ва камерлар, шунингдек, флагман даражадаги чип ўрнатилди. 

Дисплей ҳажми 6.7 дюйм бўлиб, бу бўйича янги модель аввалгисидан фарқ қилмайди. Бироқ энди дисплей яхшироқ букланувчи механизга эга бўлди, бундан ташқари, энди у 144 герцда ишлайди ҳамда HDR10+ стандарти қўллаб-қувватлайди. 

Биринчи ва иккинчи авлодда экран остида дағал рамка чиқиб турар эди. Янги авлодда ушбу рамка олиб ташланган. Бу эса ўз навбатида смартфон дизайнини янада яхшиланганидан далолат беради. Олд панелдаги юмалоқ тирқишли 32МП селфи камера ҳам смартфон учун янгилик ҳисобланади. 

Орқа панелдаги икки камерадан ҳам селфи сифатида фойдаланиш мумкин. Бунда 2.7 дюймли ташқи OLED дисплейи ёрдамга келади. Кўринишидан ташқи дисплейда ҳеч қандай ўзгариш бўлмаган. 

Орқа панелда оптик стабилизацияга эга 50МП асосий камера ва 13МП ультракенг камера жойлашган. Аввалги модель ўрта даражадаги Snapdragon 765G чипи билан жиҳозланган эди. Аммо янги модель ҳозирги кундаги энг кучли Snapdragon 8+ Gen1 чипига эга бўлди. 

Смартфон Android 12 операцион тизимига асосланган MyUI 4.0 график қобиғида ишлайди. Қурилма Dolby Atmos функциясини қўллаб-қувватловчи стерео динамикларга эга. 

Смартфонга олдиндан буюртма бериш мумкин. У фақат қора рангда етказиб берилади. Қурилманинг нархи қуйидагича:

8/128ГБ - 890 доллар

8/256ГБ - 965 доллар

12/512ГБ - 1085 доллар

Ҳозирча смартфоннинг халқаро бозорга сотувга чиқиши номаълум. 

ЎҚИНГ: Motorola дунёдаги илк 200MP камерали смартфонни расман тақдим қилди!