Дуров бир неча ҳафта ичида Telegram'га яна янги функциялар қўшилиши маълум қилди
Бир неча ойлик синовлар ва Apple'нинг икки ҳафталик "кўриб чиқиш" жараёнидан кейин, ваниҳоят, Telegram версияси янгиланди ва унга янги функциялар қўшилди. Айтиш керакки, янгиланишдаги энг яхши ўзгариш - бу хабар матнларида анимацияланган эможилардан фойдаланиш имконияти яратилганлиги бўлиб, мессенжер раҳбари Павел Дуров бу ҳақида шундай дейди:
"Ҳар қандай мобил телефон экранида векторга асосланган, силлиқ анимацияли юзлаб эможиларнинг бир вақтда ўйнашини таъминлаш қизиқарли муҳандислик муаммоси эди. Telegram буни мобил иловада амалга оширган биринчи компаниядир."
Албатта, оддий эможидан фарқли ўлароқ анимацияли эможилар хабар матнингизни янада жонлироқ ва ёқимлироқ қилади.
Дуровнинг қўшимча қилишича, хабар матнларига махсус эможиларнинг қўшилиши Telegram'нинг бўлажак визуал инқилобидаги биринчи қадам бўлиб, бир неча ҳафтадан кейин фойдаланувчилар хоҳлаган хабарларига, хоҳланган махсус эможилари билан реакция билдиришлари, бундан ташқари, эможини профил исмлари ёнига статус қилиб қўйишлари мумкин бўлади.
"Буларнинг барчаси биринчи навбатда Premium обуначилар учун чиқарилади, чунки айнан улар Telegram'ни ҳамма учун бепул ва хусусий бўлиб қолишини таъминлашмоқда.", дейди Дуров.
ЎҚИНГ: Тез кунда iPhone эгалари кўпроқ реклама кўришни бошлайдилар
