Халқаро бозор учун янги Poco M4 5G тақдим этилди

Халқаро бозор учун янги Poco M4 5G тақдим этилди

Ҳиндистон бозори учун мўлжалланган Poco M4 5G модели шу йилнинг апрель ойида тақдим этилган эди. Компания энди ушбу қурилмани бошқа бозорлар учун ҳам тақдим этди. 

Poco халқаро бозор учун M4 5G моделини чиқарди. Бу аввалги модель билан деярли бир хил, биргина фарқ - янги моделининг асосий ва селфи камераси оддийроқ сенсорлар билан жиҳозланган. Чипсет ва хотира техник жиҳатларни пастлаганини ҳам ҳисобга олмасак, смартфоннинг қолган кўрсаткичлари ўзгармаган.

Смартфонга 90 гертсда ишловчи 6.58 дюймли FullHD+ резолюциядаги LCD дисплейи ўрнатилган. Dimensity 700 чипи эса 4/64 ёки 6/128ГБ хотира билан бирлашади. Шунингдек, қурилма 18 ваттда қувват олувчи 5,000 мАс сиғимли аккумулятор билан жиҳозланган. Унинг қутисида эса 22.5 ваттлик қувватлаш адаптери бўлади. 

50МП асосий камера ўрнига энди 13МП резолюциядаги камера ўрнатилган. Унинг ёнида 2МП сатҳ камера жойлашган. Олд томондан эса ф/2.2 диафрагмадаги 5МП томчисимон селфи камера ўрин олган.  

Қурилма Android 12 операцион тизимига асосланган MIUI 13 график қобиғида ишлайди. Қурилма қора, кўк ва сариқ рақнгларда сотувга чиқади унинг нархи қуйидагича:

4/64ГБ - 219 евро

6/128ГБ - 249 евро

ЎҚИНГ: Тестлар якунланди, Android 13 барқарор версияси тарқатилмоқда 

Сайт янгиликларидан доимий хабардор бўлиш учун Телеграм каналимизга қўшилинг!