Нархи 200 долларга бормайдиган realme смартфони тақдим этилди
realme компанияси ўзининг 9i 5G моделини тақдим этди. Смартфон Dimensity 810 чипи ва катта ҳажмли аккумулятор билан жиҳозланган.
Олд томонда 1080p резолюциядаги 6.6 дюймли LCD дисплейи жойлашган. Компания ушбу модель 90 гертсда ишлашини алоҳида эътибор билан таъкидлаб ўтди. Бармоқ изи сканери ён томондаги қуввлаш тугмасида жойлашган.
Орқа панелдан f/1.8 диафрагмадаги 50МП асосий камера, 2МП сатҳ камера ва 2МП макро камера ўрин олган. Олд томонда 8МП селфи камера жойлашган.
реалме 9i 5G модели USB-C порти билан 18 ваттда қувват олувчи 5,000 мАс сиғимли аккумуляторга эга. Унда, шунингдек, 3.5 мм аудио жек ҳам бор. Қурилма Android 12 операцион тизимига асосланган realmeUI 3.0 график қобиғида ишлайди.
Смартфоннинг хотирасини microSD картаси билан 2ТБ гача кенгайтириш мумкин. Тезкор хотирани эса ҳажмига қараб 3ГБ гача кенгайтирса бўлади.
realme'нинг таъкидлашича, 9i 5G модели 5G смартфонлар сегментидаги энг ингичка корпусли қурилма ҳисобланади. Унинг корпус қалинлиги 8.1 миллиметр, оғирлиги эса 187 граммни ташкил қилади.
Смартфон Soulful Blue, Rocking Black ва Metallica Gold рангларда тақдим этилди. Унинг нархи қуйидагича:
4/64ГБ - 188 доллар
6/128ГБ - 215 доллар
Қурилмага олдиндан буюртма бериш realme.com сайти ҳамда Flipkart онлайн дўконида 24 август санасидан бошланади.
ЎҚИНГ: iPhone 14 қатори кутилганидан эртароқ тақдим қилиниши мумкин
