Galaxy S23 Ultra'нинг 200MP камераси ҳақида янги маълумотлар тарқатилди
Яқинда Samsung ўзининг Galaxy Z Fold/Flip 4 букламафонларини тақдим қилди. Хўш, ундан кейинчи? Навбат компаниянинг янги авлод флагманлари, Galaxy S23 қаторига. Кореянинг ETNews нашри берган хабарга кўра, Samsung ростдан ҳам ўзининг Galaxy S23 Ultra моделида 200 мегапикселли камерадан фойдаланиши мумкин.
Samsung ўзининг Galaxy S20 Ultra ва Galaxy Note 20 Ultra смартфонларидан бошлаб, икки йилдан бери Ultra моделларнинг асосий камераси учун 108 мегапикселли сенсордан фойдаланиб келади. Сўнгги берилган маълумотлар қараганда, бу анъана Galaxy S23 Ultra билан тўхтатилади.
Маълум бўлишича, Samsung Electronics'нинг Mobile Experience бўлими Galaxy S23 қаторидаги смартфонга 200 мегапикселли камера ўрнатилиши ҳақидаги маълумотни ўзининг асосий камера ҳамкорлари билан улашган ва улар аллақачон ишлаб чиқаришни ҳам бошлаб юборишган.
Гарчи Samsung мобил қурилмалар учун 200 мегапикселли камерани ишлаб чиқарган илк компания бўлса ҳам, у бундай сенсор билан смартфон ишлаб чиқарган биринчи компания бўла олмайди. Агар миш-мишлар тўғри бўлиб чиқса, Galaxy S23 Ultra яқинда Motorola компанияси Хитойда тақдим қилган 200MP камерали Moto Х30 Pro смартфонига рақобатчи бўлади. Бундан ташқари, узунқулоқ хабарларига кўра, Xiaomi ҳам тез кунларда ўзининг худди шундай рекорд даражадаги камерали смартфонини тақдим қилиши кутилмоқда.
Шунингдек, Twitter'дан хабар беришларича, Samsung Galaxy S23 Ultra учун Qualcomm'нинг 3D Sonic Max бармоқ изини аниқлаш технологиясидан фойдаланади. Таъкидлаш жоизки, ушбу сенсор аллақачон чиқарилган ва vivo Х80 Pro, iQOO 9 Pro смартфонларида фойдаланилган бўлиб, у бармоқ изини янада тезкор аниқлаш хусусияти билан биргаликда каттароқ сканерлаш майдонига ҳам эга.
ЎҚИНГ: Дарҳол Apple қурилмаларингиз дастурий таъминотини янгиланг!
