Telegram'даги юзернеймларнинг 70% эронлик киберсквоттерлар томонидан банд қилиб келинган - Дуров

Telegram'даги юзернеймларнинг 70% эронлик киберсквоттерлар томонидан банд қилиб келинган - Дуров

Бир неча ҳафта олдин Telegram'да узоқ вақтдан бери шунчаки банд қилиб келинган ёхуд 1 йилдан ортиқ вақт ичида контент жойланмаган минглаб оммавий каналлар юзернеймлари ҳеч қандай огоҳлантиришсизлар олиб қўйилган эди. Эндиликда мессенжер раҳбарининг хабар беришича, яқин вақтгача Telegram'даги фойдаланувчи номларининг 70 фоизи эронлик киберсквоттерлар томонидан фаол бўлмаган каналларда сақлаб келинган ва бу қидирув натижаларини чалкаштириб юборадиган ўлик юзернеймлар қабристонини яратиб, миллионлаб фойдаланувчиларга ўз аккаунтлари, гуруҳлари ва каналлари учун керакли оммавий манзилни танлашга тўсқинлик қилган. 

"(киберсквоттерлардан) Шунчаки банд қилинган фойдаланувчи номларини олишни хоҳланган фойдаланувчилар кўпинча ҳеч қандай жавоб олишмаган ёки алданиб қолишган." дейди Павел Дуров.

Ва шу сабаб, Дуров август ойи ўрталарида ўтган йил давомида бўш турган ва фаол бўлмаган каналларга уланган барча оммавий Telegram манзилларини олиб ташланганлигини маълум қилди. 

"Биз бу манзилларнинг 99 фоизини умумий фойдаланишга аста-секин қайта киритамиз. Аммо, бу сафар алгоритмик ва геолокация чекловлари билан. Шунда фақат бир нечта фойдаланувчилар эмас, балки кўпроқ фойдаланувчилар фойда кўриши мумкин бўлади."

Шунингдек, Павел Дуров юқори қийматга эга бўлган қисқа юзернеймларни тарқатишнинг энг самарали ва адолатли йўли уларни ауксионга қўйиш эканлигини ҳам таъкидлаб ўтган. Унинг сўзларига қараганда шу йўл билан жозибали фойдаланувчи номларини қўлга киритганлар улардан яхши фойдаланишга ва таниқли t.me манзилларини фойдаланувчилар учун оригинал контент билан тўлдиришга мотивацияланадилар.

Бундан ташқари, оммавий юзернеймлар учун t.me/terabaytuz шаклидаги ҳавола форматига қўшимча тарзда янги - terabaytuz.t.me шаклидаги ҳавола форматини ҳам қўллаб-қувватланиш бошланганлиги ва улар аллақачон барча браузерларда ишлаётгани эълон қилинди.

ЎҚИНГ: Xiaomi'нинг навбатдаги Ultra смартфони глобал бозорга чиқарилади

Сайтимизнинг энг чиройли расмларини Инстаграмдаги саҳифамизда томоша қилинг!