Барча iPhone 15 смартфонлари динамик оролга эга бўлади

Барча iPhone 15 смартфонлари динамик оролга эга бўлади

Apple ўзининг iPhone 14 смартфонларини сериясини яқиндагина тақдим қилганига қарамай, уларнинг навбатдаги авлоди ҳақидаги маълумотлар аллақачон интернетга сиздирилди.

Apple қурилмалари учун таъминот занжири таҳлилчиси, Росс Ёнг ўзининг Twitter саҳифасида маълум қилишича, янги iPhone 15 смартфонларининг барча моделлари ҳозирги iPhone 14 смартфонларининг фақат Pro вариантларида мавжуд бўлган динамик оролга эга бўлади. 

Агар миш-мишлар тўғри бўлса, Apple 2017 йилда iPhone Х билан тақдим қилинган катта қора тирқиш дизайни бутунлай якунлади ва уларнинг ўрнини таблетка дори шаклидаги динамик орол тўлиқ эгаллайди. 

Бироқ, Pro моделлардан фарқли ўлароқ, iPhone 15 оддий моделлари ҳали ҳам 120 герцли LTPO дисплейига эга бўлмайди. Бундай дисплейлар ҳозирги iPhone 14 Pro смартфонларида мавжуд ва бу билан улар Always-on Display хусусиятига эга. 

ЎҚИНГ: Оммабоп смартфонлар топ ўнталиги (37 ҳафта)

Хабарларни тез ва осон ўқиш учун Андроид иловамизни сақлаб олинг.