Wi-Fi 7 энг биринчи Galaxy S24 смартфонларида бўлади

Wi-Fi 7 энг биринчи Galaxy S24 смартфонларида бўлади

Яқинда Intel ва Broadcom компаниялари ҳамкорликда Wi-Fi 7 технологияси аввалгиларидан 2.5-5 бараваргача тезроқ ишлашини, ёхуд 5 Гб/с тезликка чиқишини кўрсатиб беришган эди. intel бундай технологияга эга компютерлар 2023-йилдан бошлаб чиқарилишини маълум қилган. Компютерлардан кейин эса смартфонлар еттинчи авлод Wi-Fi технологияси билан чиқарилади. DigiTimes'нинг ўзининг манбаларига асосланиб хабар беришича (SamMobile орқали), Wi-Fi 7 технологиясига эга смартфонлар 2024 йил иккинчи ярмигача пайдо бўлиши мумкин. 

Одатда Жанубий Кореянинг Samsung компанияси ўзининг Galaxy смартфонлари учун энг сўнгги версиядаги Wi-Fi технологияларини энг биринчилардан бўлиб ўрнатади. Apple ўз флагманларини ҳар йилнинг сентабрида чиқарилишини ҳисобга олсак, iPhone 15 серияси Wi-Fi 7 билан чиқарилмаслиги мумкин. Бироқ, 2024 йил бошида чиқарилиши кутилаётган Galaxy S24 сериясидаги моделлар эса Wi-Fi 7 технологиясига эга бўлган биринчи смартфонлар бўлиши мумкин.

Албатта, бундай янги ва тезкор технологияга эга қурилмалар сезиларли даражада қимматроқ бўлиши мумкин. Шуни ҳисобга олган ҳолда айтиш мумкинки, Wi-Fi 7 фақат 2025 йилга келиб оддий технологияга айланади.

ЎҚИНГ: Xiaomi Civi 2 қачон тақдим қилиниши расман маълум қилинди

Сайтимизнинг энг чиройли расмларини Инстаграмдаги саҳифамизда томоша қилинг!