Xiaomi 13 Pro қанчалик тез зарядланиши маълум бўлди

Xiaomi 13 Pro қанчалик тез зарядланиши маълум бўлди

Xiaomi'нинг ҳали тақдим қилинмаган 13 Pro смартфони Хитойда 3C сертификатини қабул қилди. Унга кўра, смартфон 2210132C модел рақамига эга ва у 120 Вт тезликда зарядланади. Аммо, бу Xiaomi флагман смартфонлари учун бегона эмас - ҳозирги Xiaomi 12 Pro ҳам 120 Вт тезликда қувватланади. Лекин бўлажак смартфон каттароқ батареяга эга бўлиши мумкин.

Яқинда ишлаб турган Xiaomi 13 Pro'нинг "Телефон ҳақида" саҳифаси кўрсатилган жонли сурати Weibo ижтимоий тармоғида тарқатиб юборилган эди. Ундан эса қурилма 12(+3)ГБ оператив хотира билан 3 гигагерцли чипсет (таҳминан Snapdragon 8 Gen 2) да, Android 13'га асосланган MIUI 14 интерфейсида ишлашини билиб олган эдик.

Қолаверса, Xiaomi 13 Pro смартфони 6.7 дюймли ва 2К резолюция билан 120 герц янгиланиш тезлигига эга экран билан жиҳозланиши миш-миш қилинади. Шунингдек, орқасида учта 50 мегапикселли камералар бўлиши ҳам таҳмин қилинмоқда.

Xiaomi ўзининг бу йилги флагманларини ўтган йилгидан эртароқ, куз охирида тақдим қилиши кутилмоқда.

ЎҚИНГ: 7,000 мАс сиғимли аккумуляторга эга смартфон тақдим этилди