Букламафонларни қўя туринг, Samsung Display кенгаядиган экранли компютерни намойиш қилди

Букламафонларни қўя туринг, Samsung Display кенгаядиган экранли компютерни намойиш қилди

Букланадиган экранли смартфонлар ёки компютерлар эндиликда ҳеч кимни ҳайрон қолдирмаяпти, улар бугунги куннинг оддий технологияларидан бирига айланди. Бироқ, яқинда интернетда LG'нинг бекор қилинган ён томонга кенгая оладиган экранли смартфонининг видеолари тарқалди ва у кўпчилик интернет аҳолисига қойил қолдирди.

Samsung Display ҳам ана шундай кенгаядиган экранли компютерлар устида ишлаётгани маълум бўлди. Intel'нинг кеча бўлиб ўтган Innovation 2022 тадбирида Samsung Display бош раҳбари ЖС Чои саҳнада 13 дюймли планшетдан, 17 дюймли кенгаядиган экранли компютер прототипи билан пайдо бўлди.

"Биз компютерлар учун дунёдаги илк 17 дюймли кенгаядиган дисплейни эълон қиламиз. Бу қурилма портабиллик ва каттароқ экранга бўлган эҳтиёжларни қондиради." дейди Чои.

Албатта, ҳозирча бу шунчаки консепт маҳсулот бўлиб, Samsung Display ва Intel бундай экранли компютерларни қачондан чиқариши номаълум.

Intel компанияси бир неча йиллардан бери турли хил факторлардаги: икки экранли ва букланадиган экранли компютерлар устида изланишлар олиб бораётган эди. Microsoft айнан шундай компютерлар учун Windows 10Х операцион тизимини ишлаб чиқараётган эди, бироқ кейинчалик у бекор қилинди.

ЎҚИНГ: Galaxy S23 ва Galaxy S23+ илк марта сифатли рендерларда кўрсатилди!

Terabayt.uz сайтининг видеолари: Youtube'даги каналимизда!