Apple'нинг яна бир смартфони йўл охирига етиб келди

Apple'нинг яна бир смартфони йўл охирига етиб келди

Apple ўзининг iPhone 5c смартфонини 2 йил аввал, 2020 йил октябрида винтажлар қаторига қўшган эди - бу компаниянинг 5 йилдан ортиқ, 7 йилдан кам вақт ичида сотувга чиқмаган маҳсулотлари рўйхати бўлиб, компания ва унинг севис провайдерлари бундай турдаги маҳсулотлар учун фақат маълум бир қисмларни таъмирлаш каби хизматларни тақдим қила олишади.

Эндиликда компания ўзининг расмий сервис провайдерларига юборган хатдан маълум бўлишича, iPhone 5c смартфони 1 ноябрдан компаниянинг эскирган маҳсулоти ҳисобланади ва унга ҳеч хизмат кўрсатилмайди. Шунингдек, Apple айнан шу куни Wi-Fi ва TD-LTE хусусиятларига эга бўлган учинчи авлод iPad Mini моделини ҳам "пенсияга чиқариш"ни режалаштирган.

2013 йилда iPhone 5s билан чиқарилган iPhone 5c ўзининг пластик танаси ва ўта ёрқин ранглари билан барча Apple смартфонлари орасида ажралиб турар эди. Шунингдек, ушбу модел компаниянинг бюджет синфдаги харидорлари учун чиқарилган энг биринчи ҳамёнбоп смартфони бўлиб, унинг 16ГБ хотирали модели нархи Америкада атиги $99 бўлган.

ЎҚИНГ: Google ҳам қатордан қолмади. У ўз тақдимотида Apple'ни масхара қилди!