Meizu ўз мухлислари билан яратилган янги смартфон дизайнларини намойиш қилди
Жорий йил бошида Meizu ўз мухлисларига Meizu 19 сериясининг ишлаб чиқариш жараёнида иштирок этиш имконини берадиган лойиҳани ишга туширган эди. Бугунга келиб, ушбу лойиҳа ўзининг илк мевасини берди ва компания мухлислар билан яратилган Meizu 19 дизайнларини улашди.
Маълум бўлишича, улашилган суратларнинг биринчиси Meizu 19 Pro учун консепт дизайн бўлиб, у учлик камерага эга. Шунингдек, суратда янги флагманнинг ички қисмлари ҳам кўрсатилган.
Иккинчи суратда эса, смартфон тўртта камерага эга ва у Xiaomi 12 смартфонлари камерасининг ён томоган ётқизиб қўйилгандаги ҳолатига ўхшайди.
Учинчи консепт дизайн эса мутлақо ўзгача: смартфон битта катта камера билан жиҳозланган.
Маълум бўлишича, смартфонларнинг нафақат ташқи кўриниши мухлислар фикрига кўра яратилган, балки уларнинг ички техник хусусиятлари ҳам биргаликда муҳокама қилинган. Қўшимчасига, янги Meizu смартфонлари машиналар билан уланиш хусусиятига ҳам эга бўлиши айтилмоқда.
Meizu 19 смартфонлари кейинги йили чиқарилиши кутилмоқда.
ЎҚИНГ: Tecno ўз портфолиосига яна бир бюджет-гейминг смартфон қўшди
