Dimensity 9200 – Snapdragon 8 Gen 2 "қотили" чиқарилди

Dimensity 9200 – Snapdragon 8 Gen 2

Бугун MediaTek компанияси расман Dimensity 9000 давомчиси – Dimensity 9200 чипсетини чиқарди. У Arm'нинг Cortex Х3 процессори билан интеграциялашган илк смартфон чипи бўлиб, у TSMC'нинг 4 нанонметрли процессорига асослаган.

Саккиз ядроли чипсет битта Cortex Х3 (3.05Ghz), учта Cortex А715 (2.85Ghz) ва яна тўртта Cortex А510 (1.8Ghz) ядрога эга ва у LPDDR5X (8533 Мбит/с) оператив, ҳамда, UFC 4.0 доимий хотирасини қўллаб-қувватлайди. Шунингдек, Dimensity 9200 графикаси алоҳида эътиборга эга: Immortalis-G715 билан жиҳозланган бўлиб, бу компютер график карталарида бўлгани каби нурларни кузатиш хусусиятига эга. Дисплейлар борасида чипсет янгиланиш тезлиги 240 герцгача бўлган FHD+, 144 герцгача бўлган WQHD ва 60 герцгача 5К дисплейни қўллаб-қувватлай олади. Алоқа томонда эса Dimensity 9200 чипсети mmWave 5G, ҳамда, Wi-Fi 7 қўллаб-қувватланишига эга илк чипсет ҳисобланади.

MediaTek'нинг маълум қилишича, Dimensity 9200 чипсети билан жиҳозланган смартфонлар йил охиригача чиқарилади.

ЎҚИНГ: Samsung дунёдаги илк 8К ултракенг ўйин мониторини устида ишламоқда

Хабарларни тез ва осон ўқиш учун Андроид иловамизни сақлаб олинг.