iPhone 14 Pro тирқиш дизайни яна бир Android смартфонга кўчирилмоқда

iPhone 14 Pro тирқиш дизайни яна бир Android смартфонга кўчирилмоқда

Жорий йилнинг сентабр ойида Apple ўзининг iPhone 14 Pro смартфонларини олд томонида таблетка шаклидаги "жонли" тирқиш билан тақдим қилди. Хитойлик Android смартфон ишлаб чиқарувчилари эса купертинолик компания билан тенглашиш учун унинг динамик орол номли тирқиш дизайнини ўзларининг янги смартфонларига жорий этишни бошлашди: Xiaomi ўзининг Civi 2 смартфони билан бошлаб берган бўлса, навбат Honor'га келган.

Honor 23 ноябр куни ўзининг янги букламафони, Magic UI 7.0 версиясини ва эндиликда маълум бўлишича, Honor 80 сериясидаги смартфонларини ҳам тақдим қилиши кутилмоқда. Тарқатиб юборилган тизер постерларга қараганда янги смартфон эгилган ён томонлар ва иккилик селфи камералар учун узунчоқ тирқишга эга бўлади. Орқа камералар ороли дизайни эса Honor 70 смартфонларини эслатиб юборади. Бунда янгиси аввалгисидан 8 рақами шаклидаги чегаралари билан фарқ қилади.

Узоқ қулоқ гапларига қараганда, Honor 80 серияси учта модели: Honor 80, Honor 80 Pro ва Honor 80 Pro+ моделларини ўз ичига олади. Бошланғич модел MediaTek Dimensity 1080 чипи билан 64МП камера, Pro модел эса Qualcomm Snapdragon 778G чипи ва 108MP асосий орқа камерага эга бўлиши мумкин. Pro+ модел эса Snapdragon 8+ Gen 1 ва 200МП камера билан жиҳозланиши таҳмин қилинмоқда.

ЎҚИНГ: Honor компанияси иккита янги смартфонни тақдим этди

Сайт янгиликларидан доимий хабардор бўлиш учун Телеграм каналимизга қўшилинг!