Илон Маск: "Бу ерда нима бўляпти Тим Кук?"

Илон Маск:

Америкалик дунёнинг энг бой одами, Илон Маск раҳбарлигида Twitter ижтимоий тармоғи ўзининг кўплаб реклама берувчиларини йўқотди. Миллиардернинг айтишича, улар орасида Apple ҳам бор.

"Apple деярли Twitter'да реклама қилишни тўхтатди. Улар Америкада сўз эркинлигини ёмон кўрадими?", деди ва "Бу ерда нималар бўляпти Тим Кук?", дея қўшимча қилди Илон Маск.

Tesla раҳбари Apple'ни танқид қилишда давом этди. У ўзининг Twitter саҳифасида "Apple ўз мижозларига таъсир қиладиган барча цензура ҳаракатларини очиқлаши керак" мавзусида сўровнома ўтказди ва унда салкам 1,9 миллион иштирок этган: қатнашувчиларнинг 85 фоизи "Ҳа" жавобини берган бўлса, қолган 15 фоизи "Йўқ"ни танлаган. Қолаверса, Маск илова ичидаги харидлар учун Апп Стореънинг 30 фоизлик комиссиясини ҳам эслаб ўтган ва уни "яширин солиқ" деган.

Илон Маскнинг қўшимча қилишича, Apple Twitter'ни ўз App Store'дан олиб қўйиш билан таҳдид қилган, аммо бунинг сабабини айтмаган. Эҳтимол, бу Twitter янгиланишини билан боғлиқ ҳолат бўлиши мумкин ёхуд Apple Twitter янгиланишини рад этган.

Купертинолик компания ҳозирча Илон Маск твитларига жавоб берганича йўқ. Воқеалар ривожини кузатишда давом этамиз!

ЎҚИНГ: Apple йил илова ва ўйинларини эълон қилди!

Хабарларни тез ва осон ўқиш учун Андроид иловамизни сақлаб олинг.