YouTube 2022 йилнинг энг зўр видеоларини эълон қилди!

YouTube 2022 йилнинг энг зўр видеоларини эълон қилди!

Google Play Store ўзининг йилдаги энг топ илова ва ўйинларини эълон қилгани каби, YouTube ҳам 2022 йилнинг энг топ видеоларини рўйхатини тузди (Америкага кўра).

Маълум бўлишича, бу йил YouTube'даги энг топ видео Technoblade тахаллуси билан танилган YouTubeр'нинг вафотидан сўнг унинг отаси орқали мухлисларга йўлланган хайрлашув видеоси бўлган. Шунингдек, Guardian News томонидан Уилл Смитнинг Оскар маросимида Крис Рокга тарсаки туширганлиги видеоси энг топ видеолар қаторида иккинчи ўринни эгаллаган.

Узун видеолар билан биргаликда, YouTube бу йил илк маротаба энг топ қисқа видеолар ёхуд топ Shorts'лар рўйхатини ҳам чиқарди. Унга кўра, Shangerdanger томонидан жойланган "Ғаввос тухумни салкам 13 метр чуқурликда ёради" мавзули видео энг машҳур Shorts бўлган.

YouTube, шунингдек, платформада чиқарилган қўшиқлар орасида бу йил Encanto анимацион филмининг "We Don't Talk About Bruno" видеоси энг машҳур бўлганлигини маълум қилди. Ижодкорлар қаторида эса MrBeast кетма-кет учинчи маротаба YouTube'нинг "йил ижодкори" бўлди.

ЎҚИНГ: Telegram аноним виртуал рақам хизматини ишга туширади