MIUI 14 тақдим этилди
MIUI график қобиғи биринчи марта 2010 йилда тақдим этилган эди. Мана орадан 12 йил ўтиб, халқаро миқёсда ушбу тизимнинг ойлик фаол фойдаланувчиларининг сони 564 миллионга етди. Xiaomi 13 смартфонлари билан бир қаторда, кеча Android 13 операцион тизимига асосланган янги MIUI 14 график қобиғи ҳам оммага таништирлди.
Xiaomi компаниясининг айтишича, бу энг оптималлаштирилган ва соддалаштирилган MIUI тизим сифатида бошқаларидан ажралиб туради.
Хотира ҳажмидан фойдаланишни камайтириш, енгилроқ микродастур ҳажми, шунингдек, процессор, график процессор ҳамда хотира ресурсларини тартиблаган ҳолда MIUI 14 тизимини ишлаб чиққан жамоа тизим архитектурасини янгилади. Компаниянинг маълум қилишича янги тизим эскисига қараганда 60% “енгилроқ“ ишлайди.
Фаол фойдаланилмаётган иловаларни автоматик равишда нофаол ҳолатга олиб ўтиш ҳамда доимий билдиришномаларни ўчириб қўйиш учун электрон тугма яратилганлигинини янги хусусиятлар сирасига киритиш мумкин. Энди тизимдан ўчмайдиган иловалар сони саккизтага қисқарди.
MIUI 14 дизайнига оддий ва катта пиктограммаларга эга созланиши мумкин бўлган папкалар, шунингдек, турли шакл ва ўлчамдаги янги виджетлар қўшилди. Тизимдаги энг кутилмаган янги қўшимчалардан бири бу гуллар ва уй ҳайвонлари виджетлари бўлиб, улар бош экранга жойлаштирилади.
Янги график қобиғига, шунингдек, дупликациялашган файл менежери, матнни таниб олиш ва галереядаги суратлардан матни ажратиб олиш функцияси қўшилган. Икки томонлама шифрлаш орқали махфийлик тизимлари янада такомиллаштирилди.
Янги оилавий ҳисоб функцияси фойдаланувчига суратларни ва булутли обуна хизматларини 9 кишигача бўлишиш имконини беради. Фойдаланувчилар, шунингдек, ақлли соатлардаги соғлиғини кузатиш маълумотларни бир-бирлари баҳам кўришлари мумкин.
Xiaomi планшетларига яна бир афзаллик қўшилди. Энди ноутбуклар билан клавиатура ва сичқончани осон алмаштирса бўлади. Шунингдек, экранни акс эттириш ҳамда кенгайтирилган экран функциялари ҳам Xiaomi планшетларида пайдо бўлди.
Xiaomi 13 ва 13 Pro смартфонлари MIUI 14 тизими билан бирга тақдим этилди. Компания прошивкани жўнатиш расмий жадвалини эълон қилди. Унда тез орада Хитойда қайси Xiaomi смартфонлари янги тизимга ўтиши кўрсатилган. Ушбу смартфонлар қуйидагилар:
2023 йил, январь
Xiaomi 12S Ultra
Xiaomi 12S Pro
Xiaomi 12S
Xiaomi 12 Pro
Xiaomi 12 Pro Dimensity Edition
Xiaomi 12
Xiaomi Mix Fold 2
Redmi K50 Pro
Redmi K50
Redmi K50 Ultra
Redmi K50 Gaming Edition
2023 йил, апрель
Xiaomi Pad 5 Pro 12.4
Xiaomi Pad 5 Pro
Xiaomi Pad 5
Redmi Pad
