Samsung'дан iPhone'чиларга аталган навбатдаги реклама ролиги

Samsung компанияси "iPhone'чилар мамлакати", Американи ўз смартфонлари билан эгаллашни ният қилган кўринади – компаниянинг мамлакатдаги ЁуТубе саҳифасига Apple мухлисларига қаратилган навбатдаги реклама ролигини жойланди. У аввалгисининг давоми бўлиб, видеода икки гигант смартфон ишлаб чиқарувчиларидан қайси бирининг томонига ўтишга иккиланиб, девор устида ўтирган йигитни кўришингиз мумкин. Samsung томондаги Galaxy Z Flip 4 фойдаланувчиси эса уни ўз томонига чорлайди.

Рекламада Samsung яна Apple'ни ҳали букламафон чиқармаганлигидан фойдаланиб, унинг мухлисларини ўзига оғдириб олишга ҳаракат қилаётганлигини сезишингиз мумкин. Таъкидлаш жоизки, ҳозирда дунёдаги барча таниқли смартфон ишлаб чиқарувчилари портфолиосида ҳеч бўлмаса битта букламафон мавжуд, бироқ биргина Apple улар қаторида эмас. Купертинолик компания 2024 йилда букланадиган смартфон тақдим қилиши кутилмоқда.

ЎҚИНГ: App Store дўкони iOS учун иловалар юклаб олинадиган ягона маскан бўлиб қолмайди