Samsung ўз қурилмаларининг батареяси узоққа етмаслигини биладими?
Samsung компанияси 10,000 мА/с батарея сиғимига эга бўлган ва 25 Вт тезликда қувват бера оладиган Galaxy повербанкини тақдим қилди. У нозик ва минималистик дизайнга эга бўлиб, қайта ишланган материаллардан тайёрланган.
Galaxy повербанки иккилик USB-C портига эга ва улар билан бир вақтнинг ўзида иккита қурилмаларни зарядлаш мумкин. Портларнинг бир томонида батарея статусини кўрсатиб турадиган тўртта индикатор бўлса, нариги томонида уни ўчириб-ёқиш тугмаси бор.
Маълум бўлишича, повербанк фақат биргина қурилма зарядлаётгандагина 25 Вт тезликда қувват бера олади. Агар икки қурилма уланган бўлса, максимал зарядлаш тезлиги иккала қурилма учун ҳам 9 ваттгача тушади.
148 х 70 х 15.6 мм ўлчамдаги повербанк атиги 210 грамм оғирликда бўлиб, у фақат оқ рангда сотувга чиқарилган. Қути ичида у иккала томони ҳам USB-C бўлган фақат битта кабел билан келади. Агар повербанк билан иккита қурилмаларни қувватламоқчи бўлсангиз иккинчи USB-C кабелни алоҳида сотиб олишингиз керак.
Афсуски, Galaxy повербанки нархи маълум қилинмаган. У ҳозирда Белгияда сотувга чиқарилган.