Galaxy S24 Ultra камераси янада яхшиланган зум қилиш қобилиятига эга бўлиши мумкин

Galaxy S24 Ultra камераси янада яхшиланган зум қилиш қобилиятига эга бўлиши мумкин

Samsung ҳали ўзининг Galaxy S23 смартфонларини тақдим қилганича йўқ, лекин Интернетда аллақачон Galaxy S24 смартфони ҳақида миш-мишлар пайдо бўлиб улгурди. Galaxy S24 Ultra яхшиланган телефото камерасига эга бўлади.

Таниқли инсайдер Ice Universe'нинг айтишича: "(Samsung ўзининг) Galaxy S24 Ultra (смартфонида) телефото сенсорини алмаштириши ва (унинг учун) янги ечим (ёхуд янги технология)ни қабул қилиши кутилмоқда". Тушунганингиздек, бу ерда Galaxy S24 Ultra камерасининг зум қилиш қобилияти янада яхшиланиши ҳақида гап кетмоқда.

Афсуски, инсайдер айнан қандай "янги ечим" қўлланилиши ҳақида маълумот бермаган, аммо, Galaxy S24 Ultra чиқарилишига ҳали бир йилдан ортиқ вақт борлигини ҳисобласак, бизда буни билиб олиш учун ҳали кўп вақт бор.

Шунингдек, инсайдер Galaxy S24 Ultra'нинг асосий камераси аввалгисиникидек қолиши ёки кичик яхшиланишга эга бўлиши маълум қилган.

ЎҚИНГ: Samsung компанияси Ўзбекистонда ўзининг расмий онлайн ахборотхонасини очди

Хабарларни тез ва осон ўқиш учун Андроид иловамизни сақлаб олинг.