Янги ўйинбоп смартфон қийноққа солинди
ZTE компаниясининг янги Red Magic 8 Pro ўйинбоп смартфони JerryRigEverything YouTube канали муаллифи Закнинг чидамлилик тестидан ўтди. Одатдагидек, тест биринчи смартфоннинг экранини тиғ билан тирнашдан бошланди.
Қурилма экрани Gorilla Glass 5 ойнаси билан ҳимояланган бўлиб, Моҳс қаттиқлик шкаласи бўйича олтинчи даражада экранда тирналган чизиқлар пайдо бўлди.
Смартфон корпуси ва ундаги тугмалар алюминийдан ишланган. Гарчи ён томонда жойлашган ўйин триггерлари тиғ билан тирнаб кўрилган бўлса-да, улар ишлашни давом этди. Орқа панелдаги камераларнинг барчаси шиша линза билан ҳимояланган. Тест сўнггида Зак смартфонни эгиб кўришга ҳаракат қилди. Бироқ бу жараёнда смартфон корпуси ўз мустаҳкамлигини кўрсата олди.
ЎҚИНГ: Машҳур ўйинбоп смартфон халқаро бозорга сотувга чиқмоқда
