Apple'нинг Ultra смартфони Pro Max ўрнини эгалламайди

Ўтган йилнинг сентабр ойида Bloomberg нашридан Марк Гурман ўз манбаларига асосланган ҳолда Apple янги авлод iPhone серияси билан ўзининг "Pro Max" номли моделини "Ultra"га алмаштириши ҳақида хабар берган эди. Бироқ, унинг сўнгги таҳминларига кўра, компания Pro Maxъни ҳам сақлаб қолган ҳолда Ultra моделини чиқаради.

Гурманнинг таъкидлашича, Apple ўзининг iPhone Ultra смартфонини iPhone 16 сериясида, Pro ва Pro Max'дан ҳам юқорироқ модел сифатида тақдим қилади. Ўз номидан маълумки, iPhone Ultra техник хусусиятлар борасида янада кучлироқ, шу билан бирга, қимматроқ бўлади.

Ўтган ҳафта бўлиб ўтган Apple даромадлари муҳокамасида Тим Кук, компания раҳбари, iPhone одамлар ҳаётининг ажралмас қисмига айланганлигини ва унинг фикрича одамлар унинг энг яхшисини олиш учун чиндан ҳам пул тўлашга тайёр эканлигини айтган эди.

Ҳозирча iPhone Ultra қандай хусусиятларга эга бўлиши бизга бироз қоронғу, лекин Гурманнинг таъкидлашича, қурилма янада яхшироқ камера, тезкор чип ва эҳтимол каттароқ дисплей таклиф қилиши мумкин. Қолаверса, у зарядлаш портисиз, фақат симли қувватланадиган дизайнга эга бўлиши мумкинлиги ҳам таҳмин қилинмоқда.

iPhone 15 сериясига тўхталадиган бўлсак, бўлажак смартфонларнинг барчаси "динамик орол" хусусиятига эга бўлиши, шу билан бирга, Lightning эмас, USB Type-C порти билан жиҳозланиши кутилмоқда.

ЎҚИНГ: Galaxy S23 Ultra ва iPhone 14 Pro ўртасида фарқлар бор?