Samsung ўзининг биринчи ўйин-мониторини тақдим этди

Samsung биринчи марта август ойида IFA 2022 кўргазмасида Odyssey OLED G8 ни тақдим этганди ва бу компаниянинг квант нуқтали OLED (QD-OLED) дисплейга эга бўлган биринчи ўйин мониторидир. Бугундан бошлаб сиз Samsung веб-сайтида 34 дюймли дисплейга 1499 долларга олдиндан буюртма беришингиз ва ҳамкор дўконлардан олишингиз мумкин.

Янги монитор оддийларидан янада ёруғлиги ва рангларнинг тўйинганлиги билан фарқланади. 

Ушбу Samsung дисплейи 1800R эгри экран(curved), 3440 х 1440 пиксел ва 175 Гц тез янгиланиш хусусиятига эга. Монитор шунингдек, 400 нитгача энг юқори ёрқинликни таъминлаши керак бўлган True Black 400 спецификациясини ҳам қўллаб-қувватлайди.

Ушбу хусусиятларнинг ўзи жуда таъсирли бўлса-да, бошқа ажойиб қобилият сизга ёқиши тайин. Монитор сизга консол ёки компютер уланмаган ҳолда ўйин ўйнаш имконини беради. Бунинг сабаби, у Samsungнинг Gaming Hubи билан бирга келади, бу ажойиб портал бўлиб, сиз булутли ўйин хизматларига тўғридан-тўғри монитордан киришингиз мумкин, жумладан Nvidia GeForce Now ва Xbox Game Pass. Шунингдек, сиз Netflix, Youtube TV ва бошқа стриминг хизматларида видеоларни томоша қилишингиз мумкин.

Бошқа ёқимли қулайликлар қаторига уланган IoT(Internet of things - интернетли воситалар) қурилмаларини кузатиш ва бошқариш, шунингдек, Mini Display Port, HDMI ва USB-C ни қўллаб-қувватлаш имконини берувчи ўрнатилган SmartThings иловаси киради. Шунингдек, мониторнинг орқа томонида Core Lighting Plus тизими мавжуд бўлиб, у қурилма орқасидаги деворни экрандаги нарсаларга мос ранглар билан ёритади.

Aгар ушбу 34 дюймли дисплей сизнинг хоҳишингиз учун етарлича катта бўлмаса, кутишингиз учун сабаб бор. Samsung ўзининг 49 дюймли Odyssey G9 ўйин мониторига OLED билан жиҳозланган янгиланишни тайёрламоқда ва у йил охирида пайдо бўлиши мумкин.

Муаллиф: Ҳидоятхон Атабаев