2023 йил январ ойига кўра энг яхши ишлайдиган смартфонлар ўнталиги

AnTuTu бенчмарки жамоаси 2023 йил январ ойига кўра энг яхши смартфонлар рўйхатини эълон қилди. Унга кўра, Vivo Х90 Pro+ смартфони 1,283,893 балл билан топ ўнликнинг энг биринчи ўрнини эгаллаган, аниқроғи сақлаб қолган, чунки смартфон 2022 йил декабрида ҳам энг юқори ўринда турган эди. Айтиш керакки, ушбу смартфон Snapdragon 8 Gen 2 ва Vivo'ни ўзининг V2 чипларида ишлайди.

Эҳтимол, Snapdragon 8 Gen 2 кучи билан шекилли, iQOO 11 иккинчи ўринни 1,272,580 балл билан банд қилган. Таъкидаш жоизки, у ўзининг Pro моделидан ўзиб кетишга муваффақ бўлган.

Топ учликни Snapdragon 8+ Gen 1 чипида ишлайдиган Legion Y70 гейминг смартфони 1,112,092 балл билан якунлайди. Гарчи фақат Хитойда сотилаётган бўлса ҳам, у ҳозирда гейминг смартфонлар бозоридаги энг яхши танловлардан биридир.

Навбатдаги тўртинчи ўринни Xiaomi'нинг Redmi К50 Ultra смартфони эгаллаган бўлса, бешинчи ўрин Asus'нинг Zenfone 9 смартфонига тегишли. Иккала смартфонлар ҳам Snapdragon 8+ Gen 1 чипида ишлайди.

Яна бир Xiaomi смартфони, 200 МП камерали 12Т Pro модели эса 1,062,046 балл тўплаб рўйхатнинг олтинчи ўрнидан жой олган. Ундан кейинги ўринни эса ўтган йилнинг охирги ойида топ ўнталикка киролмаган, аммо бу сафар 1,048,268 балл билан буни уддалаган Nubia'нинг Red Magic 7 гейминг смартфони эгаллаган ва у Snapdragon 8 Gen 1 чипида ишлайди.

iQOO Нео 7 рўйхатдаги Dimensity 9000+ чипи билан "топ 10"га кира олган ягона смартфон бўлиб, у саккизинчи ўринни эгаллаган. Тўққизинчи ўринни эса Samsung букламафони, Galaxy Z Fold 4 банд қилган. Xiaomi 12 Pro ўзининг Snapdragon 8 Gen 1 чипи орқали олган 986,518 балли билан топ ўнликка якун ясайди.

Флагманлардан ташқари AnTuTu ўрта флагман смартфонларнинг ҳам топ ўнталигини ҳам чиқарган. Рўйхат қуйидагича:

1. Redmi 12Т Pro (Dimensity 8100 Ultra) - 821860
2. realme GT Neo 3 (Dimensity 8100) - 812167
3. Poco Х4 GT (Dimensity 8100) - 806615
4. Redmi К50i (Dimensity 8100) - 786095
5. OnePlus 10Р 5G (Dimensity 8100 Мах) - 784142
6. Redmi Note 11Т Pro (Dimensity 8100) - 765264
7. realme GT Neo 2 (Snapdragon 870) - 730630
8. iQOO Neo 6  (Snapdragon 870) - 723830
9. realme GT Neo 3Т (Snapdragon 870) - 711343
10. Poco F3 (Snapdragon 870) - 703865

ЎҚИНГ: Xiaomi 13 Ultra'нинг сифатли рендери пайдо бўлди