Xiaomi 13S сериясини кутиб овора бўлманг!
Xiaomi 13 флагманлари ўз ватанида тақдим қилинганига ҳам бир неча ойдан ошди ва эндиликда хитойликлар унинг янгиланган варианти – Xiaomi 13S сериясининг чиқарилишини кутишмоқда. Ўтган йилги Xiaomi 12S сериясидаги смартфонлар, эҳтимол, оригинал Xiaomi 12 сериясидан ҳам кўпроқ машҳурликка эришди. Бироқ, ушбу сериясининг давомчиси Xiaomi 13S смартфонлари бу йил ёруқ дунёни кўрмаслиги мумкин.
Xiaomi раҳбари, Лей Жун, ўзининг расмий Weibo саҳифасида Xiaomi 13S серияси чиқарилмаслигини эълон қилди.
"Ҳозирча Xiaomi 13'нинг яримавлод янгиланган версиясини ишлаб чиқариш режалаштирилмаяпти. Xiaomi 13S'ни кутманг."
Xiaomi флагман смартфонларининг "S" ҳарфи қўшилган серияси одатда сўнгги технологиялардан ортда қолмаслик учун янги хусусиятлар билан чиқарилади. Масалан, ҳозирги Xiaomi 12S сериясидаги Ultra модел камера борасида ўз даврининг ҳар қандай флагманлари билан баҳслаша оладиган сенсорларга эга. Бироқ, ушбу серия Хитой учун эксклюзив эди. Бошқа ҳудудлардаги Xiaomi, умуман, телефон ишқибозлар Xiaomi 12S Ultra глобал бозорга чиқмаган хафа бўлишган эди. Лей Жун ўшанда, навбатдаги Ultra бутун дунё учун чиқарилишини айтган ва бу эндиликда Xiaomi 13 Ultra бўлиши мумкин, Xiaomi 13S Ultra эмас.
Xiaomi ҳозирда ўзининг Xiaomi 13, Xiaomi 13 Pro ва Xiaomi 13 Lite смартфонларини феврал ойи охирида глобал бозорга тақдим қилишга тайёрланмоқда. Кўриб турганингиздек, улар орасида Ultra модел йўқ. Эҳтимол, у Xiaomi 13S сериясини ўрнини босиш учун кейинроқ чиқарилади.
ЎҚИНГ: Янги Poco смартфони тери қопламга эга ва у атиги 100 доллар туради!
